91:1 踮佇至高者隱密的所在者，彼個人欲徛起佇全能者的蔭影。
91:2 論到耶和華我欲講：伊是我逃閃的所在，是我的山寨，是我的上帝，我所倚靠者。
91:3 因為伊欲救你脫離當鳥仔的羅網及毒害的瘟疫。
91:4 伊欲用伊的翅股伏你；你欲匿佇伊的翅下；伊的誠實是大細的盾牌。
91:5 你呣免驚暝間的驚惶，抑是日時飛的箭。
91:6 亦免驚黑暗中流行的瘟疫，抑是日中晝滅無人的毒症。
91:7 有千人慄落去佇你的身邊，有萬人慄落去佇你的正旁，這亦倚近你。
91:8 不過你會親目看見，亦看見歹人受報應。
91:9 因為耶和華你是我逃閃的所在；你曾用至高者做你徛起的所在，
91:10 就災害到佇你，瘟疫亦倚近你的布棚。
91:11 因為伊欲為著你吩咐伊的使者，佇你一切的路保護你。
91:12 欲用手扶你，免得你的腳觸著石。
91:13 你欲踏獅及毒蛇，塌獅仔肫及大尾蛇。
91:14 因為伊真疼我，我就欲救伊；因為伊識我的名，我就欲安置伊佇高的所在。
91:15 伊求叫我，我就欲應伊；伊佇危急的時，我欲及伊佇；我欲救伊，互伊尊貴。
91:16 我欲用長歲壽互伊滿足，互伊看見我的救恩。