92:1 〔安息日的詩歌。〕真好啊，感謝耶和華！唱歌謳咾你至高者的名！
92:2 早起時報揚你的慈愛；下昏時報揚你的信實。
92:3 用十條弦的樂器及瑟，用琴彈壯嚴的聲音。
92:4 因為耶和華──你用你的所行互我歡喜，我欲因為你的手所做的來快樂。
92:5 耶和華，你的所做怎樣許大！你的心思極其深！
92:6 無知的人曉得；愚蠢的人亦明白此個。
92:7 歹人發生親像草，一切做歹的人茂盛的時，正是欲滅無到永遠。
92:8 總是耶和華──你是至高，直到永遠。
92:9 耶和華啊，你看，你的對敵，你看，你的對敵的確滅無；一切做歹的人亦欲四散。
92:10 總是你互我的角抬高，親像野牛的角；我是受新的油抹者。
92:11 我親目看見我的對敵抵著報應；我親耳聽見許個起來攻擊我的歹人受刑罰。
92:12 義人欲興旺親像棗樹，欲長大親像黎巴嫩的柏香樹。
92:13 見若栽佇耶和華的厝的，欲興旺佇咱的上帝的院內。
92:14 年老的時猶原結果子，的汁滿滿，色青翠，
92:15 通顯明耶和華是正直者。伊是我的石磐，伊攏無不義。