95:1 來啊，咱著向耶和華唱歌，向救咱的石磐出歡喜的聲！
95:2 咱著到伊的面前感謝伊，用詩歌向伊出歡喜的聲！
95:3 因為耶和華是大的上帝，是大的王，贏過攏總的上帝。
95:4 地深的所在佇伊的手中；山高的山尖亦屬佇伊。
95:5 洋海屬佇伊，是伊創造的；乾地亦是伊的手造成的。
95:6 來啊，咱著鞠躬敬拜，跪落佇創造咱的耶和華的面前。
95:7 因為伊是咱的上帝；咱是伊養飼的百姓，是伊手下的羊。今仔日恁若聽伊的聲：
95:8 就呣通硬恁的心，親像佇米利巴，親像當日佇曠野的瑪撒。
95:9 彼時，恁的祖公試我驗我，閣看見我的所做。
95:10 四十年久，我厭恨彼世代的人，講：諸個是心迷亂的百姓，呣識我的路！
95:11 所以，我佇受氣的中間咒誓，講：斷斷得通入我的安息！