87:1 〔可拉的後裔的詩歌。〕伊的地基在佇聖山。
87:2 耶和華疼錫安的門，贏過雅各攏總徛起的所在。
87:3 上帝的城啊，有榮光的事是指你來講的。（細拉）
87:4 我欲算拉哈伯及巴比倫，佇識我者的內面；看啊，非利士、推羅、古實，此個出世佇遐。
87:5 論到錫安，欲講：此個、彼個出世佇彼中間，閣至高者欲親身堅固伊。
87:6 當耶和華記萬百姓數額的時，伊欲算此個出世佇遐。（細拉）
87:7 唱歌的，跳舞的，攏欲講：我的水源攏在佇你。