83:1 〔亞薩的詩歌。〕上帝啊，求你呣通靜靜！上帝啊，求你呣通無開嘴，亦呣通無做聲！
83:2 因為你的對敵嘩嘩嚷，怨恨你的人抬起頭。
83:3 用奸詐的計謀欲害你的百姓，相及議論欲害你所囥密的人。
83:4 講：來啊，咱來滅無，互成國！互以色列的名無閣互人記念！
83:5 同心相及參詳，相及結約，欲抵敵你，
83:6 就是徛起布棚的以東及以實瑪利人，摩押及夏甲人。
83:7 迦巴勒、亞捫，及亞瑪力、非利士以及推羅徛起的百姓。
83:8 亞述亦及聯合；做羅得的子孫的幫手。（細拉）
83:9 求你款待，親像早款待米甸，親像佇基順河款待西西拉及耶賓一樣。
83:10 佇隱多珥滅無，成做地上的糞土。
83:11 求你互的領首親像俄立及西伊伯，互的軍長攏親像西巴及撒慕拿。
83:12 講：咱著將上帝徛起的所在，佔來做家己的。
83:13 我的上帝啊，求你互親像捲螺風的塵埃，親像風前的稻屑。
83:14 親像火燒樹林，親像火焰燒山頭，
83:15 求你亦親像按呢用你的狂風追趕，用你的大風互驚惶。
83:16 耶和華啊，求你互滿面見誚，通來祈求你的名！
83:17 互永遠見誚驚惶！互漏氣滅無！
83:18 互知：只有你──名做耶和華的──是全地上至高者！