79:1 〔亞薩的詩。〕上帝啊，外邦人進入你的產業，拍垃墋你的聖殿，互耶路撒冷變成土堆，
79:2 將你的奴僕的身屍交互空中的飛鳥做食物，將你聖的百姓的肉交互地上的野獸，
79:3 佇耶路撒冷周圍流的血親像水，亦無人埋葬伊。
79:4 阮互阮隔壁國所凌辱，互阮四圍的人冷笑譏刺。
79:5 耶和華啊，你的受氣欲偌久，到永遠嗎？你的受氣欲親像火嗎？
79:6 願你將你的受氣傾落佇許個呣識你的外邦，以及許個無求叫你的名的列國。
79:7 因為吞食雅各，互伊徛起的所在拋荒。
79:8 求你呣通記得阮的祖公的罪，來對阮討；願你的慈悲緊緊臨到阮，因為阮落到極卑微的地位。
79:9 救阮的上帝啊，求你因為你的名的榮光幫助阮！因為你的名的緣故救阮，赦免阮的罪。
79:10 啥事致到外邦人講「的上帝佇叨落」？願你伸你的奴僕流血的冤，互外邦人知互阮親目看見。
79:11 願囚犯的吐氣透到你的面前；願你照你的大權能保存許個擬定著死的人。
79:12 主啊，願你將阮隔壁國所凌辱你的凌辱，加添七倍歸佇的身上。
79:13 按呢，阮做你的百姓，你的草場的羊者，欲感謝你到永遠；欲謳咾你的名，到萬世代。