72:1 〔所羅門的詩。〕上帝啊，求你將你的判斷賞賜王，將你的公義賞賜王的子。
72:2 伊欲照公義審判你的百姓，照公平判斷你許個困苦的人。
72:3 大山欲因為公義互百姓平安，山仔也欲按呢。
72:4 伊欲給百姓中困苦的人判斷，伊欲救喪鄉的人，伊欲壓碎暴虐的人。
72:5 人欲敬畏你，日久月長，直到萬世代！
72:6 伊欲降臨，親像雨落佇已經割的草，親像及時的雨潤澤土地。
72:7 佇伊的日子，義人欲興旺，大大平安，及月平久。
72:8 伊欲掌權，對此個海到彼個海，對大河到地極。
72:9 徛起佇曠野的，欲跪拜佇伊的面前；伊的對敵欲舐土粉。
72:10 他施及海嶼的列王欲進貢；示巴及西巴的王欲獻禮物。
72:11 列王攏欲仆落拜伊；萬國攏欲服事伊。
72:12 因為，喪鄉人求叫的時，伊欲救伊；困苦無依倚的人，伊也欲救。
72:13 伊欲憐憫清淡喪鄉的人，伊欲拯救喪鄉人的生命。
72:14 伊欲救贖的生命脫離壓迫及暴虐；伊欲看的血做寶貝。
72:15 伊欲活。欲將示巴的金互伊；欲常常為伊祈禱，通日謳咾伊。
72:16 佇地裡佇山頂，五穀的確茂盛；所結的五穀欲搖動，親像黎巴嫩的樹；城內的人欲興旺，親像地上的草。
72:17 伊的名欲留到永遠，伊的名欲流傳親像日的久。人欲因為伊來得著福氣；萬國欲稱呼伊有福氣。
72:18 耶和華上帝──就是以色列的上帝，只有伊行奇異的事，應該謳咾伊！
72:19 願伊榮光的名，永遠受謳咾。願伊的榮光充滿全地！阿們！閣阿們！
72:20 耶西的子──大衛的祈禱明白。