64:1 〔大衛的詩，交互樂官。〕上帝啊，我哀傷的時，求你聽我的聲！求你保護我的活命免驚對敵！
64:2 求你將我囥密，互我脫離做歹的人暗靜的計謀及行不義的人的擾亂。
64:3 磨的舌親像刀，比準的箭，就是惡毒的話，
64:4 欲佇暗靜的所在射完全的人；忽然射著伊，亦呣驚。
64:5 相勉勵設歹計謀；參詳暗靜張羅網，講：是誰會看見？
64:6 圖謀歹代，講：阮盡力圖謀已經有抵好的計謀。逐人的念頭及心思不止深。
64:7 總是上帝欲用箭射；忽然著傷。
64:8 欲著觸，的舌會害本身；凡若看見的攏欲搖頭。
64:9 眾人攏欲驚惶，欲報揚上帝所做的，閣詳細想伊的所行。
64:10 義人欲因為耶和華來歡喜，亦欲倚靠伊；凡若心正直的人攏欲誇口。