59:1 〔掃羅差人去埋伏大衛的厝，欲伊。彼時，大衛做此個金的詩，交互樂官。調用「莫得毀壞」。〕我的上帝啊，求你救我脫離我的對敵，安置我佇高的所在，得著脫離許個起來攻擊我的人。
59:2 求你救我脫離做歹的人，閣救我脫離愛死人的人！
59:3 因為，埋伏欲害我的生命；有猛人聚集來攻擊我。耶和華啊，這呣是因為我的過失，亦呣是因為我的罪過。
59:4 我雖然無過失，走來，備辦欲害我。求你精神起來幫助我，來鑑察！
59:5 萬軍的上帝──耶和華就是以色列的上帝啊！求你起來，辦理萬國！呣通憐憫見若行奸詐的歹人！（細拉）
59:6 下昏時倒來，喉叫親像狗，佇城裡四界行。
59:7 的嘴吐出歹話，嘴唇有刀；因為講，是誰聽見？
59:8 若是你──耶和華欲笑；你欲凊笑列邦。
59:9 我的氣力啊，我欲向望你，因為上帝是我的高台。
59:10 我的上帝欲用慈愛迎接我；上帝欲互我看見我的對敵受報應。
59:11 莫得剿滅，驚見我的百姓記得。主啊，阮的盾牌啊；求你用你的氣力互四散，閣降低。
59:12 因為嘴的罪過及嘴唇的話，以及所講的咒罵及白賊，願佇驕傲的中間受掠著。
59:13 求你受氣，剿滅，剿滅到攏無去，互知上帝佇雅各的中間掌權，到佇地極。（細拉）
59:14 下昏時，倒來；喉叫親像狗，佇城裡四界行。
59:15 欲走來走去，尋食物，若無得著飽，就通暝聽候。
59:16 若是我欲唱歌謳咾你的氣力，早起時欲大聲謳咾你的慈愛；因為你曾做我的高台，佇患難的日做我逃閃的所在。
59:17 我的氣力啊，我欲唱歌謳咾你；因為上帝是我的高台，是我慈愛的上帝。