53:1 〔大衛教示的詩，互樂官，調是用麻哈拉。〕戇人心內講：無有上帝。趁邪惡，行可惡的罪；無一人行好。
53:2 上帝對天俯落看世間人，欲看有明理的人，有尋求上帝的人抑無？
53:3 逐人攏退後，一概變做污穢；無人行好，連一個亦無。
53:4 做歹的人豈曉得嗎？吞食我的百姓親像食餅，亦無求叫上帝。
53:5 佇無通驚惶的所在就大大驚惶，因為上帝將彼個安營攻擊你的人的骨頭拍散。你互見誚，因為上帝棄拺。
53:6 願以色列的拯救對錫安出。上帝救伊受掠的百姓倒轉來，彼時雅各欲快樂，以色列欲歡喜。