41:1 〔大衛的詩，交互樂官。〕眷顧喪鄉人的有福氣！當患難的日，耶和華欲救伊。
41:2 耶和華欲保全伊，互伊活；伊欲佇地上享福。求你呣通將伊交互對敵，來照所愛。
41:3 伊倒在床，耶和華欲扶持伊；伊破病的時，你欲料理伊的被舖。
41:4 我曾講：耶和華啊，求你憐憫我，醫好我的心神！因為我有得罪佇你。
41:5 我的對敵用歹話議論我講：伊底時會死，伊的名底時會滅無？
41:6 伊若來看我就講無影話；伊的心積聚奸惡，出去外口就四界講。
41:7 一切怨恨我的人，嗤舞嗤呲議論我；設計謀欲害我。
41:8 講：有怪病住佇伊的身軀；伊已經倒床，永閣起來。
41:9 連我知己的朋友，我所倚靠、食我的餅者，抬起腳後踢我。
41:10 耶和華啊，求你憐憫我，互我起來，通報應！
41:11 因為我的對敵得著對我誇口卡贏，我對按呢就知你歡喜我。
41:12 論到我，你因為我的純全就扶持我，互我永遠徛佇你的面前。
41:13 著謳咾耶和華──以色列的上帝，對永遠到永遠。阿們！閣阿們！