35:1 〔大衛的詩。〕耶和華啊，及我相爭的，求你及相爭！及我交戰的，求你及交戰！
35:2 提大細的盾牌，起來幫助我。
35:3 抽出槍，阻止許個追趕我者；對我的神魂講：我是拯救你者。
35:4 願許個數想我的生命的人，受見誚凌辱！願許個計謀害我的人，越倒轉漏氣！
35:5 願親像風吹的粗糠，有耶和華的使者趕。
35:6 願的路暗閣滑，有耶和華的使者趕。
35:7 因為無因端為我暗設羅網佇坑內，無因端掘陷坑，欲害我的生命。
35:8 願佇伊無拍算的時災禍到伊的身上！願伊暗設的羅網纏著伊家己！願伊跋落彼內面受害！
35:9 就我的心欲佇耶和華來快樂，佇伊的救恩來歡喜。
35:10 我的骨頭攏欲講：耶和華啊，是誰會親像你？你拯救困苦的人脫離許個比伊卡強者，拯救困苦及喪鄉的人脫離許個搶奪伊者？
35:11 兇惡的干證者起來，我所呣知的事查問我。
35:12 對佇我用歹報好，互我的神魂孤單。
35:13 論到我，當破病的時，我就穿麻衫，用禁食，刻苦我的心神；我所求的攏歸佇家己的心懷。
35:14 我按呢行，親像伊是我的朋友，我的兄弟；我屈落身軀悲哀，親像人為著老母哀傷。
35:15 我抵著患難，就歡喜，相及聚集。我所呣相識的下等人聚集攻擊我；我無息。
35:16 親像戲謔諞食的無下落人對我咬嘴齒根。
35:17 主啊，你定定看欲到偌久？求你救我的神魂脫離的殘害！救我的生命脫離猛的獅仔肫！
35:18 我佇大聚會的中間欲感謝你，佇眾百姓的中間欲謳咾你。
35:19 求你莫得容允許個無理由對敵我的對我誇口！莫得容充許個無因端怨恨我的眥我。
35:20 因為無講和平的話，就是計謀詭譎的話害地上安份的人。
35:21 大大開嘴攻擊我，講：呼哉！呼哉！阮的目睭已經看見啦！
35:22 耶和華啊，你已經看見，求你呣通靜靜！主啊，呣通離開我！
35:23 我的上帝我的主啊，求你精神起來，判決我的事，辦理我的案！
35:24 耶和華──我的上帝啊，求你照你的公義判斷我，莫得容允對我誇口！
35:25 莫得容允心內講：呼哉，照阮的心願啦！莫得容允講：阮已經給伊吞落去啦！
35:26 願許個歡喜我抵著患難者攏見誚漏氣！願許個對我家己尊大者，受見誚落臉！
35:27 願許個愛我得著伸冤的人出歡喜的聲快樂；願常常講：著尊耶和華做大！因為伊歡喜伊的奴僕平安。
35:28 我的舌欲講起你的義，通日謳咾你。