34:1 〔大衛的詩，就是伊佇亞比米勒的面前假瘋癲，受趕出去的時所做的。〕我欲時時謳咾耶和華；謳咾伊的話欲常常佇我的嘴。
34:2 我的心神欲因為耶和華來誇口；謙卑的人聽見亦欲歡喜。
34:3 恁及我著謳咾耶和華做大，相及尊伊的名做高。
34:4 我曾求耶和華，伊就應我，救我脫離我一切通驚的事。
34:5 抬頭看伊，就得著光明；的面永見誚。
34:6 此個困苦的人求叫，耶和華聽見，救伊脫離伊一切的患難。
34:7 耶和華的使者佇敬畏伊的人的四圍紮營，來拯救。
34:8 恁著試看，就知耶和華是好；倚靠伊的人有福氣！
34:9 耶和華聖的百姓啊，恁著敬畏伊，因為敬畏伊的人無欠缺一項。
34:10 獅仔肫有欠缺有枵，獨獨尋耶和華的人無欠甚麼項的好。
34:11 細子啊，恁著來聽我！我欲將敬畏耶和華的道理教示恁。
34:12 甚麼人愛活命，欣慕歲壽，欲得著福氣，
34:13 就著禁你的舌無講歹話，你的嘴唇無講奸詐的話。
34:14 著離開歹行好，尋和平，來追伊。
34:15 耶和華的目睭看義人；伊的耳孔聽的祈禱。
34:16 耶和華的面向行歹的人，欲對世間除滅的名字。
34:17 義人求叫，耶和華聽見，就救脫離一切的患難。
34:18 耶和華倚近傷心的人，拯救靈性痛悔的人。
34:19 義人有多多苦難，總是耶和華救伊攏脫離，
34:20 保全伊攏總的骨，一支亦無拍折。
34:21 罪惡欲害死歹人；怨恨義人者，欲受定罪。
34:22 耶和華救贖伊的奴僕的神魂；凡若倚靠伊者，無一個受定罪。