33:1 恁義人啊，著因為耶和華來歡喜；正直的人的謳咾是合宜。
33:2 恁著彈琴感謝耶和華，用十條弦的瑟謳咾伊。
33:3 著對伊唱新的歌，彈到真好，聲音響亮。
33:4 因為耶和華的言語正直；凡伊所做的一盡是誠實。
33:5 伊歡喜義理及公平；耶和華的慈愛滿滿佇地上。
33:6 諸個天對耶和華的話來造；天裡的萬類對伊的嘴的氣來成。
33:7 伊聚集海水親像歸堆，收囥深淵佇庫房。
33:8 全地著敬畏耶和華！凡若徛起佇世上的攏著驚伊！
33:9 因為伊講出就有，伊命令就徛在。
33:10 耶和華互列邦的計劃歸佇空空，互眾百姓所想的無功效。
33:11 耶和華的計劃永遠徛在；伊的心所想的到萬世代。
33:12 認耶和華做伊的上帝的，彼國有福氣！伊揀選做伊的產業的，彼個百姓有福氣！
33:13 耶和華對天看；伊鑑察攏總的世間人。
33:14 伊對伊徛起的所在向外面看地上一切徛起的百姓──
33:15 伊是造成眾人的心者，留心佇一切的所做的。
33:16 君王會因為兵多得著救；猛人會因為氣力大得著救出。
33:17 倚靠馬得著救是無採工；會用伊的大力來救人。
33:18 耶和華的目睭看敬畏伊的人，看向望伊的慈愛的人，
33:19 欲救的生命脫離死無，保存的活命佇飢荒的時。
33:20 阮的心神平素聽候耶和華；伊是做阮的幫助，做阮的盾牌。
33:21 阮的心欲倚靠伊來歡喜，因為阮平素倚靠伊的聖名。
33:22 耶和華啊，願你的慈愛臨到阮，照阮所向望你的！