20:1 〔大衛的詩，交互樂官。〕願耶和華佇患難的日聽你；願雅各的上帝的名安置你佇高的所在。
20:2 對聖所幫助你，對錫安扶持你，
20:3 記念你一切所獻的，接納你的燒祭，（細拉）
20:4 照你的心所愛的互你，成你一切的計劃。
20:5 阮欲因為你的救恩來唱歌，阮欲奉阮的上帝的名來豎旗。願耶和華成你一切所求的！
20:6 今我知耶和華救伊受抹油者，欲對伊聖的天聽伊，用伊正手的氣力救伊。
20:7 有人倚靠車，有人倚靠馬，獨獨阮欲講起耶和華──阮上帝的名。
20:8 仆落跋倒，阮就起來，徛在在。
20:9 求耶和華拯救；阮求叫的時，願王聽阮！