142:1 〔大衛佇洞內的時做此個教示的詩，亦是祈禱。〕我出聲喉叫耶和華，出聲懇求耶和華。
142:2 我佇伊的面前吐出我的苦情，我佇伊的面前排列我的患難。
142:3 我的神佇我的內面昏去的時，你知我的路。佇我行的路，為著我暗靜張活罩。
142:4 求你向我的正旁來看，因為無人識我；我無地通逃閃，亦無人看顧我。
142:5 耶和華啊，我曾對你哀求。我講：你是我逃閃的所在；佇活人的地，你是我的基業。
142:6 求你俯耳孔聽我的求叫，因為我落到極低的位；求你救我脫離窘迫我的人，因為比我卡強。
142:7 求你導我出監，我就通謳咾你的名。義人欲圍我，因為你用恩典款待我。