130:1 〔上崎仔的詩。〕耶和華啊，我對深淵求叫你！
130:2 主啊，求你聽我的聲！願你俯耳孔聽我懇求的聲！
130:3 主──耶和華啊，你若究勘罪惡，是誰徛會住？
130:4 總是你有赦免的恩，欲互人敬畏你。
130:5 我聽候耶和華，我的心神聽候；佇伊的話我有向望。
130:6 我的心神聽候主，比守更的人，聽候天光卡切，比守更的人，聽候天光卡切。
130:7 以色列啊，你著向望耶和華！因為佇耶和華有慈愛，佇伊有豐盛的救贖。
130:8 伊的確救贖以色列脫離伊一切的罪惡。