124:1 〔上崎仔的詩，大衛所做。〕以色列今著講：若呣是耶和華助阮，
124:2 若呣是耶和華助阮，佇人起來攻擊阮，
124:3 佇對阮發受氣的時、就將阮活活吞落去。
124:4 彼時，諸個水的確過阮，河水的確淹密阮，
124:5 兇狂的水的確淹密阮。
124:6 願耶和華受謳咾！因為伊無將阮做食物交互哺食，
124:7 阮的生命親像鳥仔，脫離掠鳥的羅網；羅網破裂，阮就脫離。
124:8 阮得著幫助，是靠耶和華的名，伊是創造天地者。