122:1 〔上崎仔的詩，大衛所作的。〕人對我講：咱來去耶和華的厝，我就歡喜。
122:2 耶路撒冷啊，阮的腳徛佇你的門內。
122:3 耶路撒冷受起造，親像連絡整齊的城。
122:4 諸個支派，就是耶和華的支派，照以色列定著的例，上去遐，欲謳咾耶和華的名。
122:5 因為佇遐設立審判的寶座，就是大衛家的寶座。
122:6 著替耶路撒冷求平安！見若疼你的人的確安樂！
122:7 願你城內平安！願你的宮內安樂！
122:8 因為我的兄弟及同伴的緣故，我欲講：願平安佇你的內面！
122:9 因為耶和華──咱的上帝的厝的緣故，我欲替你求福氣！