111:1 恁著謳咾耶和華！佇正直人的會中，及公會中，我欲專心感謝耶和華。
111:2 耶和華的所做真大；凡若歡喜伊所做的攏欲查考伊。
111:3 伊所行的是尊貴威嚴；伊的義永永佇。
111:4 伊行奇事，互人記念；耶和華有恩惠，有憐憫。
111:5 伊賞賜米糧互敬畏伊的人；伊欲永遠記念伊的約。
111:6 伊將伊大權能的所做顯明佇伊的百姓；將列邦的業賞賜。
111:7 伊的手所做是誠實公平；伊的教示攏是確實，
111:8 是永世代堅固者，是照誠實正直設立的。
111:9 伊向伊的百姓施行救贖，伊定著伊的約，直到永遠；伊的名是聖，通驚畏。
111:10 敬畏耶和華是智慧的根本；見若照按呢行的才有聰明。耶和華的名聲直到永遠！