110:1 〔大衛的詩。〕耶和華對我的主講：你坐我的右旁，聽候我互你的對敵做你的腳踏。
110:2 耶和華欲對錫安伸出你有能力的枴；你著佇你對敵的中間掌權。
110:3 你出軍的日，你的百姓欲用聖潔的妝飾做衫，甘心獻家己；你的壯丁歸倚你親像早起時所結的露水。
110:4 耶和華已經咒誓，的確無退悔，講：你永遠做祭司照麥基洗德的班列。
110:5 佇你正旁的主，當伊受氣的日，欲拍敗列王。
110:6 伊欲佇列邦中來審判，伊欲互身屍遍滿逐所在；伊欲佇多多國拍破對敵的頭殼。
110:7 伊欲飲路邊的溪水，因為按呢伊欲抬起頭。