108:1 〔大衛的詩歌。〕上帝啊，我的心自在；我欲吟詩，我的心神欲唱歌謳咾！
108:2 琴啊，瑟啊，恁著精神起來！我本身欲真早精神起來！
108:3 耶和華啊，我欲佇萬百姓的中間感謝你，佇列邦的中間唱歌謳咾你！
108:4 因為，你的慈愛卡大天！你的誠實到穹蒼！
108:5 上帝啊，願你高大過諸個天！願你的榮光過全地！
108:6 求你聽阮，用正手牽救阮，通互你所疼的人得著救。
108:7 上帝已經指伊的聖潔來講：我欲大悅；我欲分開示劍，量疏割的山谷。
108:8 基列是我的；瑪拿西亦是我的；以法蓮是我的頭盔；猶大是我的權柄；
108:9 摩押欲做我的浴盆；我欲我的鞋佇以東；我欲因為卡贏非利士來大聲喝。
108:10 是誰會導我入堅固的城？是誰導我入以東的地？
108:11 上帝啊，你豈呣是棄拺阮嗎？上帝啊，你無及阮的軍兵相及去？
108:12 求你幫助阮攻擊對敵，因為人的拯救是空空。
108:13 阮倚靠上帝做成大代誌，因為睭踏阮的對敵的就是伊。