104:1 我的心神啊，你著謳咾耶和華！耶和華──我的上帝啊，你是至大！你用尊榮威嚴做衫來穿，
104:2 你穿光明，親像外衫，展開天，親像帳幅，
104:3 伊佇水中安置伊樓閣的通楹，用雲做伊的車，用風的翅來行，
104:4 用風做伊的使者，用炎火做伊的差用，
104:5 將地下佇伊的地基頂，互伊永永無搖泏。
104:6 你用深淵親像衣裳，遮蓋地面；諸個水淹過山嶺。
104:7 你一下喝，水就緊緊走；你的雷一下鳴，水就緊緊流。
104:8 淐到山頭，落到山谷，歸佇你給定著的所在。
104:9 你定著界限，互水會過，無閣倒轉來遮蓋地面。
104:10 互水泉淐出佇山谷，流佇山中，
104:11 互山裡的走獸攏有通飲，野驢得著止嘴乾。
104:12 天中的飛鳥歇佇水邊，哮佇樹枝頂。
104:13 伊對伊的樓閣中灌沃山嶺；對你所做的效果，地就充足。
104:14 伊互草發生，互精牲通食，也有菜蔬，做人的路用，互食物對地裡出，
104:15 閣有酒互人的心歡喜，有油潤澤人的面，有食物保養人的心力。
104:16 耶和華的樹攏得著充足的潤澤，就是伊所栽黎巴嫩的柏香樹。
104:17 飛鳥作巢佇彼內面；鶴徛起佇松樹的中間。
104:18 高山是互野山羊踮；石磐是沙番閃匿的所在。
104:19 伊用月來定著時節；日頭也知通落。
104:20 你互伊暗就做暝時，彼時樹林內的百獸就攏爬出來。
104:21 獅仔肫哮，欲抓物食，對上帝討的食物。
104:22 日頭一下出，就走去匿，倒佇的洞內。
104:23 人出去做工，著磨到下昏時。
104:24 耶和華啊，你所造的怎樣許多！攏是你用智慧造成的；遍地滿滿你的富有。
104:25 遐有海，大閣闊；其中有算了的動物，大細的活物攏有。
104:26 佇遐有船行，有你所創造的大魚游來游去。
104:27 諸個攏聽候你通照時互食物。
104:28 你互，就拾起來；你展開你的手，得著好物夠飽。
104:29 你掩你的面，就掛慮；你將的氣收回，就死無，來歸佇土粉。
104:30 你發出你的神，就受創造；你互地面換做新。
104:31 願耶和華的榮光永遠佇！願耶和華為著伊所造的來歡喜！
104:32 伊看地，地就振動；伊摸山，山就出煙；
104:33 我欲一世人向耶和華吟詩！我猶活的時，欲向我的上帝唱歌謳咾！
104:34 願伊掠我的靜靜想做合意！我欲因為耶和華歡喜！
104:35 願罪人對世上消滅！願歹人攏無去！我的心神啊，著謳咾耶和華！恁著謳咾耶和華！