2:1 約拿佇魚的腹肚內祈禱伊的上帝──耶和華，講：
2:2 我抵著患難求叫耶和華，伊就聽我；我對陰府的腹內喉叫，你就聽我的聲。
2:3 因為你曾我落深淵，就是佇海底；大水圍我，狂波大湧攏蓋密我。
2:4 我就講：我受趕逐離開你的目前，總是我猶向你的聖殿。
2:5 諸個水圍我，險險無生命；深淵圍困我；海草包我的頭殼。
2:6 我落到山底，地的門楗永永給我關。耶和華──我的上帝啊，總是你有救我的生命脫離死無。
2:7 我的心神昏去的時，我就數念耶和華。我的祈禱到你的面前，入你的聖殿。
2:8 見若對重虛假的人，棄拺慈愛的主；
2:9 總是我欲用感恩的聲獻祭互你。謝我所下的願，拯救出佇耶和華。
2:10 耶和華命令彼尾魚，伊就吐出約拿佇乾地。