3:1 「伊的禮物若是謝恩的祭，或是對牛群中獻，無論是公的、是母的，著用無瑕疵的獻佇耶和華的面前。
3:2 伊著按手佇禮物的頭殼頂，伊佇會幕的門口。亞倫子孫做祭司者，著用血灑佇壇的周圍。
3:3 對謝恩祭的中間，著將火祭獻互耶和華，用蓋臟腑的油及臟腑所有的油，
3:4 以及二粒腰子及所有的油，就是倚近腰雙旁的油，及肝裡的網紗及腰子，一概提起來。
3:5 亞倫的子孫著燒伊佇壇裡燒祭的頂面，就是佇火裡的柴，是獻互耶和華做芳芳的火祭。
3:6 「伊的禮物做謝恩的祭獻互耶和華的，若是對羊群中，或是公的或是母的，著用無瑕疵的。
3:7 若獻一隻羊仔子做禮物，著佇耶和華的面前獻，
3:8 也著按手佇伊的禮物的頭殼頂，伊佇會幕前。亞倫的子孫著將伊的血灑佇壇的周圍。
3:9 對謝恩祭的中間，著將火祭獻互耶和華，彼中間的油及伊全牲肢肥的羊尾對倚近脊骨的所在提起來，以及蓋臟腑的油及臟腑所有的油，
3:10 以及二粒腰子及所有的油，就是倚近腰雙旁的油，及肝裡的網紗及腰子，一概提起來。
3:11 祭司著燒伊佇壇頂，是獻互耶和華做火祭的食物。
3:12 「伊的禮物若是山羊，著佇耶和華的面前獻。
3:13 著按手佇伊的頭殼，伊佇會幕前。亞倫的子孫著將血灑佇壇的周圍，
3:14 伊著對這獻伊的禮物做火祭互耶和華，
3:15 用蓋臟腑的油及臟腑所有的油，以及二粒腰子及所有的油，就是倚近腰雙旁的油，及肝頂的網紗及腰子，一概提起來。
3:16 祭司著燒伊佇壇頂，做火祭的食物，取伊的芳芳的。油攏是耶和華的。
3:17 佇恁一切徛起的所在，油及血攏呣通食；這欲做恁逐世代永遠定著的例。」