7:1 耶路巴力就是基甸，伊及一切隨伊的人早早起來，佇哈律水泉邊紮營。米甸營佇北勢的山谷，倚近摩利山。
7:2 耶和華對基甸講：「我用米甸交佇百姓的手，呣拘隨你的人甚多，驚了以色列人對佇我來家己誇口，講：『是我家己的手救我。』
7:3 今你著宣佈互百姓聽：『見若驚惶懾的人，通離開基列山倒去。』」對按呢百姓中有二萬二千人倒去，猶有剩一萬。
7:4 耶和華對基甸講：「人猶久甚多；你著導落去到水邊，我欲佇遐給你試。見若我指甚麼人對你講：『此人通及你去』，彼人就通及你去；我指甚麼人給你講：『此人呣通及你去』，彼人就呣通去。」
7:5 基甸就導百姓落去到水邊。耶和華對基甸講：「見若用舌餂水，親像狗餂，彼人著互伊另外徛；見若跪落去飲水的，也著互伊另外徛。」
7:6 用手倚嘴來餂水的有三百人，其餘許個百姓攏跪落去飲水。
7:7 耶和華給基甸講：「我欲用諸個餂水的三百人救恁，將米甸人交佇你的手；眾百姓攏通倒去伊的所在。」
7:8 百姓手裡就帶乾糧及的哨角；基甸差以色列眾人逐人倒去的布棚，只有留此三百人。米甸的營紮佇伊下面的山谷。
7:9 像彼暝，耶和華給基甸講：「起來，落去到彼個營盤，因為我已經將伊交佇你的手。
7:10 你若呣敢落去，你及你的奴僕普拉著落去彼個營盤。
7:11 你欲聽見所講的，然後你就有膽力落去到營盤。」伊就及伊的奴僕普拉落去到營盤帶軍器者的邊仔。
7:12 米甸人、亞瑪力人，及東方的眾人，攏倒佇山谷，親像草蜢許多。的駱駝算得，多親像海墘的沙。
7:13 基甸已經到，有人用夢給伊的同伴講：「我夢見一個夢，看啊，有一個大麥餅翱入米甸的營，到一個布棚，衝互伊倒，互布棚反輪轉倒到平地。」
7:14 伊的同伴應講：「這呣是別項，就是以色列人約阿施的子基甸的刀；上帝已經將米甸及伊的全軍交佇伊的手。」
7:15 基甸聽見此個夢的話及伊的解說，就敬拜上帝，倒來到以色列的營中，講：「起來啊！因為耶和華已經將米甸的軍隊交佇恁的手啦。」
7:16 伊就分三百人做三隊，用哨角及空甕交佇逐人的手（甕內攏囥火把），
7:17 給講：「恁著看我的樣來做：我到彼個營盤邊我所做的，恁也著按呢做。
7:18 我及許個及我佇的人歕哨角的時，恁也著佇營的四圍歕哨角，講：『為著耶和華也為著基甸！』」
7:19 基甸及隨伊的一百人，佇三更頭，來到營邊，彼時守更的抵仔換班，就歕哨角，摃破手裡的甕。
7:20 三隊的人就攏歕哨角，摃破甕，倒手抬火把，正手抬哨角來歕，喝講：「耶和華及基甸的刀！」
7:21 佇營的四圍逐個徛家己的位；全營的人攏走，喝喊互逃走。
7:22 歕三百支哨角的時，耶和華互全營的人逐個用刀相，軍隊走到西利拉的伯哈示他，閣到亞伯米何拉的界近佇他巴。
7:23 以色列人就對拿弗他利、亞設，及瑪拿西聚集來追趕米甸。
7:24 基甸差人遍行以法蓮的山地，講：「恁落來攻擊米甸，趁未到把守許個渡頭，直到伯巴拉就是約但。」對按呢以法蓮的眾人聚集，把守許個渡頭，直到伯巴拉就是約但，
7:25 也掠著米甸二個首領：俄立及西伊伯；死俄立佇俄立的石磐，死西伊伯佇西伊伯的酒窟遐；閣追趕米甸人，帶俄立及西伊伯的頭殼到約但彼旁，基甸遐。