23:1 耶和華講：「牧者殘害我的草場的羊，互伊四散，有災禍啊！」
23:2 所以以色列的上帝──耶和華責備許個養飼我的百姓的牧者，按呢講：「恁拍散我的羊群，來趕去，無看顧；看啊，我欲照恁所行的歹來辦恁。這是耶和華講的。
23:3 我欲聚集我的羊群所剩的，對我所趕到的逐國，導閣倒來的 ；互生湠多多。
23:4 我欲設立牧者治理，養飼。互無閣驚惶、卬愕，亦無減少；這是耶和華講的。」
23:5 耶和華講：「日子欲到，我欲給大衛興起義的枝；伊欲做王來治理，行代誌有智慧，佇地上行公平及公義。
23:6 當伊的日，猶大欲得著救，以色列欲安然徛起。伊的名欲稱做『耶和華──咱的義』。」
23:7 耶和華講：「看啊，日子欲到，人指耶和華的永活來咒誓，無欲講伊是導以色列的後裔對埃及地上來者，
23:8 指耶和華的永活來咒誓，是欲講伊帶以色列的後裔導對北方的地，亦對見若我所趕到的地上來。欲徛起佇本所在。」
23:9 論到許個先知，我的心佇我的內面憂傷，我的骨攏栗栗惙；為著耶和華及伊聖的話，我親像酒醉的人，親像互酒所卡贏的人。
23:10 因為地方滿滿行淫亂的人！閣因為抵著咒詛，地就悲哀；曠野的草場攏枯焦。所行的路就是歹；的勢力無正直。
23:11 連先知及祭司都是褻瀆者，就佇我的厝內我亦看見的歹。這是耶和華講的。
23:12 因為按呢，的路欲親像黑暗中滑滑的地，欲抵著趕逐，佇遐跋倒；當辦理的年，我欲互災禍到佇。這是耶和華講的。
23:13 佇撒瑪利亞的先知，我已經看見的愚戇；託巴力來讖語，互我的百姓以色列行差路。
23:14 佇耶路撒冷的先知，我已經看見可惡的事；行姦淫，做事白賊，閣助歹人的手愈有力，致到無人回頭離開伊的歹。佇我的面前攏親像所多瑪；徛起佇遐的百姓攏親像蛾摩拉。
23:15 所以萬軍的耶和華論到諸個先知有按呢講：看啊，我欲用茵蔯互食，閣用苦的水互飲；因為褻瀆的事出佇耶路撒冷的先知，流行遍地。
23:16 萬軍的耶和華按呢講：「諸個先知對恁讖語的，恁莫得聽的話。用虛假教示恁，所講的異象是出佇的心，呣是出佇耶和華的嘴。
23:17 常常對藐視我的人講：『耶和華講：恁欲享受平安』；閣對一切照心的剛硬來行的人講：『的確無有災禍臨到恁。』」
23:18 是誰及耶和華契合，得著聽伊的話來曉悟啊？是誰注意聽伊的話啊？
23:19 看啊！耶和華的受氣，親像大風發出；就是真透的捲螺風，欲轉踅來攻擊歹人的頭殼。
23:20 耶和華的心所擬定的，猶未做，猶未成，伊的受氣的確無倒轉，日後恁欲明白透徹。
23:21 許個先知我無差，家己走；我無對講，家己宣傳。
23:22 若及我契合，就的確互我的百姓聽我的話，互回頭離開的歹路及所行的歹。
23:23 耶和華講：「我豈做近的上帝？無做遠的上帝嗎？」
23:24 耶和華講：「人豈會匿佇隱密的所在，互我看伊著嗎？」耶和華講：「我豈無充滿佇天地嗎？
23:25 我已經聽見許個先知所講的，就是託我的名宣傳白賊，講：『我有夢見！我有夢見！』
23:26 宣傳白賊的先知，就是宣傳的心的詭詐，存此號的心欲到底時啊？
23:27 逐人將所夢的相及講起，想欲互我的百姓記得我的名，親像的列祖因為巴力來記得我的名一樣。
23:28 先知若有夢見，通講起伊的夢；得著我的話者，著用誠實傳我的話。粗糠及麥豈會比得？這是耶和華講的。」
23:29 耶和華講：「我的話豈呣是親像火，閣親像會拍破石磐的大鎚嗎？
23:30 耶和華講：「看啊，許個先知對伊的同伴偷提我的話者，我攻擊。」
23:31 耶和華講：「許個先知用嘴舌講，這是耶和華講的；我攻擊。」
23:32 耶和華講：「看啊，許個用假的夢來做先知的，講起的夢，亦用的白賊及的謊譀，互我的百姓行差路，我攻擊。因為我無差，亦無命令，攏無利益此個百姓。這是耶和華講的。」
23:33 「若此個百姓，抑是先知，抑是祭司，問你講：『耶和華有甚麼重擔的默示？』你就著給講：『甚麼重擔的默示啊？耶和華講：我欲棄拺恁就是。』
23:34 見若先知，抑是祭司，抑是百姓，講『耶和華重擔的默示者』，彼號人我欲刑罰伊及伊的家。
23:35 恁逐人對伊的厝邊，逐人對伊的兄弟著按呢講：『耶和華有應甚麼？』『耶和華有講甚麼？』
23:36 『耶和華重擔的默示』此句恁呣通閣講，因為逐人所講的話欲做本身的重擔，因為恁將永活的上帝、萬軍的耶和華──咱的上帝的話解互伊斜去。
23:37 你著對先知按呢講：『耶和華應你甚麼？』『耶和華講甚麼？』
23:38 恁若講『耶和華重擔的默示』，耶和華就按呢講：『我差人到恁遐給恁講，呣通講「耶和華重擔的默示」，恁猶講此句「耶和華重擔的默示」。』
23:39 所以我欲全然記得恁，將恁及我所賞賜恁以及恁的列祖的城，對我的面前棄拺；
23:40 閣欲互永遠的凌辱及久長的見誚臨到恁，久長無記得。」