18:1 耶和華的話臨到耶利米講：
18:2 「你起來，落去燒磁人的厝，我佇遐欲互你聽我的話。」
18:3 我就落去燒磁人的厝，抵當伊用輪轉，做伊的工。
18:4 燒磁人用土做的器具，佇伊的手若歹去，伊就用彼塊土另外做別號的器具；照燒磁人所看做好的來做伊。
18:5 耶和華的話就臨到我講：
18:6 「耶和華講：以色列家啊，我款待恁，豈會親像此個燒磁人的所做嗎？以色列家啊，土佇燒磁人的手中怎樣，恁佇我的手中亦是按呢。
18:7 我甚麼時論到一族抑是一國講，我欲給伊拔起來、給伊拆毀、給伊毀壞；
18:8 我所講的彼一族，若反悔離開伊的歹，我就欲退悔，所想欲降互的災禍。
18:9 我甚麼時論到一族抑是一國講，欲建立，欲栽種；
18:10 若行我看做歹的事，呣聽趁我的話，我就欲退悔，我所講欲互的福氣。
18:11 今你著給猶大人及徛起耶路撒冷的百姓講：『耶和華按呢講：我備辦災禍攻擊恁，亦設計謀攻擊恁。恁逐人著越頭離開伊的歹路，改正恁的所行恁的所做。』
18:12 「總是講：『無向望。阮欲照家己的計謀來行。』逐人照伊歹心的剛硬來做。」
18:13 所以，耶和華按呢講：恁著去逐國查問，看是誰聽見此號事？以色列的百姓有行極通厭惡的事。
18:14 黎巴嫩的雪對田野的石磐豈會絕斷嗎？對遠遠的所在流落的冷水豈會乾去嗎？
18:15 因為我的百姓記得我，向虛假的神燒香，互佇所行的路，佇舊的路觸著，互行偏路無填高的；
18:16 致到的地做通卬愕，長長互人恥笑；見若對遐過的欲卬愕搖頭。
18:17 我欲親像用東風佇對敵的面前趕散。抵著患難的日，我欲用尻脊向，無欲用面。
18:18 就講：「來啊！咱來設計謀攻擊耶利米；因為祭司有律法，智慧的人有計劃，先知有讖語的話，攏絕斷。來啊！咱著用舌抵觸伊，伊的話攏呣免聽伊。」
18:19 耶和華啊，求你致意我，也聽許個及我爭辯的人的話。
18:20 豈通用歹報好嗎？因為開陷坑欲害我的生命！求你記得我佇你的面前替求福氣，互你的大受氣對越倒轉。
18:21 願你將的子兒交互飢荒將交互刀劍；互的某無子，做寡婦；互的查甫人互死無所滅，的少年人佇戰陣互刀死。
18:22 你互軍隊忽然臨到的時，願對的厝聽見啼哭的聲；因為掘陷坑欲掠我，設羅網欲絆我的腳。
18:23 耶和華啊，欲害我許個計謀，你攏知。莫得赦免的罪過，亦莫得對你的面前擦消的罪惡，著互佇你的面前跋倒；你受氣的時著辦。