21:1 耶和華照伊前的話眷顧撒拉，對按呢耶和華照伊所講的給撒拉做成。
21:2 亞伯拉罕年老的時，撒拉懷孕；到上帝對伊講的日期，就給伊生一個子。
21:3 亞伯拉罕給撒拉所生的子號名叫以撒。
21:4 以撒出世八日，亞伯拉罕照上帝所吩咐的，給伊的子行割禮。
21:5 伊的子以撒出世的時，亞伯拉罕一百歲。
21:6 撒拉講：「上帝互我歡喜笑，見若聽見者欲及我同歡喜笑」；
21:7 閣講：「是誰會代先給亞伯拉罕講『撒拉欲互嬰仔吸奶』？因為佇伊年老的時，我給伊生一個子。」
21:8 囝仔漸漸大，就斷奶。以撒斷奶的日，亞伯拉罕排設大筵席。
21:9 當時，埃及人夏甲給亞伯拉罕所生的子冷笑，互撒拉看見，
21:10 就對亞伯拉罕講：「著趕出此個女婢及伊的子！因為女婢的子通及我的子以撒同做後嗣。」
21:11 亞伯拉罕因為伊的子的緣故不止憂悶。
21:12 上帝給亞伯拉罕講：「你呣通為著此個囝仔以及你的女婢憂悶。見若撒拉對你講的，你攏著聽；因為對以撒生的，才欲稱做你的後裔。
21:13 論到女婢的子，我亦欲互伊成做一國，因為伊亦是你生者。」
21:14 亞伯拉罕早早起來，提餅及一皮袋的水，互夏甲，下佇伊的肩頭頂，連囝仔續教伊去，伊就去。到別是巴的曠野就行無路。
21:15 皮袋內的水用了，夏甲就將囝仔放佇細欉樹腳，
21:16 本身行開約略擲一支箭的遠，相對面坐，講：「我不忍看囝仔死」，就相對面坐，出聲大啼哭。
21:17 上帝聽見囝仔的聲；上帝的使者對天裡叫夏甲講：「夏甲，你有甚麼代誌？呣免驚，上帝已經聽見囝仔佇遐的聲。
21:18 起來！亦互囝仔起來牽佇你的手，我欲互伊成做大國。」
21:19 上帝開伊的目睭，伊就看見水井，就將皮袋去入水到滿滿，續互囝仔飲。
21:20 上帝及囝仔佇，伊就漸漸大，踮佇曠野，成做射箭的人。
21:21 伊徛起佇巴蘭的曠野；伊的老母對埃及地給伊娶一個某。
21:22 當彼時，亞比米勒及伊的軍長非各對亞伯拉罕講：「見若你所行的事上帝及你佇。
21:23 今你佇遮著指上帝及我咒誓，呣通欺負我及我的子，以及我的孫。我按怎樣好款待你，你亦著照按呢款待我以及你所寄居的地方。」
21:24 亞伯拉罕講：「我欲咒誓。」
21:25 前，亞比米勒的奴僕霸佔一口水井，亞伯拉罕為此個事嫌亞比米勒。
21:26 亞比米勒講：「是誰做此個代誌，我呣知，你亦未有給我講，到今仔日我才聽見。」
21:27 亞伯拉罕將羊及牛互亞比米勒，二人就相及立約。
21:28 亞伯拉罕將七隻母的羊羔另外放佇一所在。
21:29 亞比米勒問亞伯拉罕講：「你將七隻母的羊羔另外放佇一所在，是甚麼意思？」
21:30 應講：「你著對我的手收此七隻母的羊羔，做我開此口井的證據。」
21:31 所以名彼所在叫別是巴，因為二人佇遐有咒誓。
21:32 佇別是巴立約，亞比米勒就及伊的軍長非各起身倒去非利士地。
21:33 亞伯拉罕佇別是巴栽一欉垂絲柳樹，閣佇遐求叫耶和華──永永佇上帝的名。
21:34 亞伯拉罕佇非利士人的地寄居多多日。