40:1 阮受掠的二十五年，佇年頭，月的初十日，城破了後第十四年，抵抵彼日耶和華的手下佇我的身上，導我到遐。
40:2 佇上帝異象中帶我到以色列地，安置我佇真高的山；山頂的南旁有親像起造的城。
40:3 伊導我到遐，看啊，有一人，款式親像銅的款式，手提麻索及測量的竿尺，徛佇門口。
40:4 彼個人對我講：「人子啊，見我所互你看的，你著用你的目睭看，用你的耳孔聽，也著用你的心記住。因為你受帶來遮，刁持為著欲互你看諸個事；見你所看見的，你攏著給以色列家講。」
40:5 看啊，厝的外面四圍有牆。彼人的手提測量的竿尺，長六肘，每肘是一肘閣一巴掌。伊就量牆，厚一竿尺，高一竿尺。
40:6 伊就到向東的門，上伊的崎仔，量門的戶椗，闊一竿尺；閣一個戶椗，闊也一竿尺。
40:7 閣侍衛房，逐間長一竿尺，闊一竿尺，相離五肘。門的戶椗，就是倚近向厝的門的兩廊，闊一竿尺。
40:8 伊也量向厝的門的兩廊，闊一竿尺。
40:9 閣量門的廊，闊八肘，伊的柱二肘；彼個門的兩廊是向厝。
40:10 東勢的門有侍衛房：此旁三間，彼旁三間，攏同一樣的寸尺；此旁的柱及彼旁的柱，也是一樣的寸尺。
40:11 伊量門口，闊十肘，門的長十三肘。
40:12 侍衛房頭前的界：此旁一肘，彼旁也有界，一肘；侍衛房此旁六肘，彼旁六肘。
40:13 閣量門，對此個侍衛房的厝頂到彼個侍衛房的厝頂，闊二十五肘；門及門相對。
40:14 閣做許個柱六十肘，有院用柱做界，佇門的四圍。
40:15 對入門的頭前到內面門的兩廊的頭前，共五十肘。
40:16 諸個侍衛房及門內四圍的柱以及的兩廊，攏有關密的窗；閣四圍有窗向內面，逐支柱的頂面有棕樹。
40:17 伊導我入外院，看啊，有房間，閣佇院的四圍有舖石的地；舖石地的頂面有房三十間。
40:18 舖石的地，是佇許個門的身邊及許個門平長，這是下面舖石的地。
40:19 伊對下面門的頭前量到內院頭前的外面，闊一百肘，東面北面攏是按呢。
40:20 外院向北的門，伊量伊的長闊。
40:21 伊的侍衛房，此旁三間，彼旁三間。伊的柱伊的兩廊，攏照頭一個門的扮。長五十肘，闊二十五肘。
40:22 伊的窗伊的兩廊，及伊的棕樹，攏是照向東的門。人對七層的崎仔上到遐，頭前有許個廊。
40:23 內院有門及東勢的門、北勢的門相對。伊對門到門量伊，一百肘。
40:24 伊導我向南勢去，看啊，有門向南，閣照前的寸尺量伊的柱及伊的兩廊。
40:25 伊的內面及伊的兩廊四圍攏有窗，及前所量的窗同一樣。長五十肘，闊二十五肘。
40:26 有七層崎仔通上到遐，頭前有許個兩廊；柱頂有棕樹，此旁一欉，彼旁一欉。
40:27 內院有門向南。對門到門伊向南量伊，一百肘。
40:28 伊導我對南門到內院，就照前的寸尺量南門。
40:29 伊的房伊的柱，伊的兩廊攏照前的寸尺。伊的內面及伊兩廊四圍攏有窗。長五十肘，闊二十五肘。
40:30 周圍有兩廊，長二十五肘，闊五肘。
40:31 伊的廊向外院，柱頂有棕樹。上八層崎仔到遐。
40:32 伊導我到內院向東，伊量彼個門照前的寸尺。
40:33 伊的房伊的柱，伊的兩廊攏照前的寸尺。伊的內面及伊兩廊四圍攏有窗。長五十肘，閣二十五肘。
40:34 伊的廊向外院。柱頂佇此旁彼旁有棕樹。上八層崎仔到遐。
40:35 伊閣導我到北門，量伊照前的寸尺，
40:36 閣量伊的房伊的柱，伊的兩廊。內面四圍攏有窗；伊的長五十肘，闊二十五肘。
40:37 伊的柱向外院。柱頂佇此旁彼旁有棕樹。上八層崎仔到遐。
40:38 門的柱邊有房及伊的門，佇遐洗燒祭的牲禮。
40:39 佇門廊的內面，此旁有二塊桌，彼旁有二塊桌，佇彼頂面通來燒祭、贖罪祭、補過失的祭的牲禮。
40:40 上到向北的門口，此旁的外面有二塊桌，門廊彼旁也有二塊桌。
40:41 佇門邊此旁有四塊桌，彼旁有四塊桌，共八塊；佇彼頂面牲禮。
40:42 為著燒祭的路用的四塊桌，是石拍的，長肘半，闊肘半，高一肘。燒祭及諸個祭所用的器具下佇彼頂面。
40:43 有，闊一巴掌，釘住佇內面的四圍。桌頂有祭肉。
40:44 內門的外面，北門邊的內院有房間，為著唱歌的人來設。許個房間向南；東門邊，也有一間向北。
40:45 伊給我講：「此間向南的房是互擔當顧厝的祭司用；
40:46 彼間向北的房是互擔當顧壇的祭司用。諸個是利未族中撒督的子孫，就近耶和華來服事者。」
40:47 伊閣量彼個院，長一百肘，闊一百肘，是四方的。壇是佇厝前。
40:48 伊導我到厝前的兩廊，量兩廊的逐支柱。此旁五肘，彼旁五肘。門的闊，此旁三肘，彼旁三肘。
40:49 兩廊長二十肘，闊十一肘。有人絔上的崎仔。許個柱邊閣有細支柱，此旁一支，彼旁一支。