3:1 伊就對我講：「人子啊，著食你所得著的，著食彼卷冊，也著去對以色列家講話。」
3:2 對按呢我開嘴，伊就互我食彼卷，
3:3 閣對我講：「人子啊，將此卷我所互你的，著食佇你的腹肚，充滿你的腸。」我就食伊，嘴內知伊的甜親像蜜。
3:4 伊對我講：「人子啊，起來就近以色列的家，也用我的話給講。
3:5 因為你奉差呣是去彼個講話深奧、言語得聽的百姓遐，就是去以色列家；
3:6 呣是去許個講話深奧，言語得聽的多多國，的話你曉得聽。
3:7 我若差你去遐，的確聽你；總是以色列家呣肯聽你，因為呣肯聽我；因為以色列全家是頭額心硬的人。
3:8 看啊，我互你的面硬，抵敵的面，互你的頭額，抵敵的頭額。
3:9 我互你的頭額親像鑽石，比火石卡。雖然是悖逆的家，你莫得驚，也莫得因為的面貌來驚惶。」
3:10 伊閣對我講：「人子啊，我對你所講一切的話，你著用心承受，用耳孔聽。
3:11 你著去就近本國受掠的百姓遐，豈採聽，豈採呣聽，你著對講話，給講，這是主耶和華按呢講。」
3:12 彼時，神舉起我，我就聽見佇我的尻脊後有大振動呼呼哮的聲，講：「耶和華的榮光對伊的所在顯出，應該得著謳咾！」
3:13 我也聽見許個活物的翅相磕著的聲，及的身邊輪的聲，就是大振動呼呼哮的聲。
3:14 對按呢神舉起我，帶我去。我去真艱苦，心神激烈，耶和華的手佇我身上真有力。
3:15 我就到提勒亞畢，踮佇迦巴魯河邊受掠的人彼位，到所徛起的所在，佇中間坐七日久，踮遐真卬愕。
3:16 過七日，耶和華的話臨到我講：
3:17 「人子啊，我設立你做以色列家守望的人，所以你著聽我的嘴所講的，替我警戒。
3:18 我對歹人講：你的確會死；若你無警戒伊，無用話警戒歹人，互伊離開伊的歹路，來救伊的生命，就彼個歹人欲死佇伊的罪；總是我欲對你的手討伊的生命。
3:19 設使你警戒歹人，也伊無越轉離開伊的歹所行及伊的歹路，就伊欲死佇伊的罪，總是你有救你家己的生命。
3:20 閣設使有義人越轉離開伊的義來犯罪，我也下塞礙佇伊的面前，就伊欲死；因為你無警戒伊，就伊欲死佇伊的罪，閣伊所有行的義無閣得著紀念；總是我欲對你的手討伊的生命。
3:21 總是你若警戒義人，互義人無犯罪，伊若真正無犯罪，就的確得著活；因為伊有受警戒，你亦救家己的生命。」
3:22 耶和華的手佇遐下佇我的身上。伊對我講：「你起來去平洋，我欲佇遐及你講話。」
3:23 對按呢，我起來出去到平洋，看啊，耶和華的榮光 佇遐，親像我佇迦巴魯河邊所看見的榮光一樣，我就仆佇地裡。
3:24 神就入我的內面，互我徛起來。伊及我講話，對我講：「去啊，你著家己關佇厝內。
3:25 人子啊，人欲用索下佇你的身軀給你捆縛，致到你出去來行佇中間。
3:26 我欲互你的舌粘佇你的上 ，致到你啞口，會做責備的人；因為是悖逆的家。
3:27 獨獨到我及你講話的時，我欲開你的嘴，你就對講：『主耶和華按呢講。』愛聽者聽，呣聽者據伊呣聽，因為是悖逆的家。」