40:1 耶和華吩咐摩西講：
40:2 「正月初一，你著起聚集的會幕，
40:3 你著下法櫃佇彼內面，用帳簾遮截伊。
40:4 扛桌入去，排設頂面的物。扛燈台入去，點伊的燈。
40:5 扛燒香的金壇下佇法櫃前，掛會幕門的門簾。
40:6 將燒祭的壇下佇聚集的會幕門前。
40:7 將洗盪的盆下佇會幕及壇的中間，貯水佇盆內。
40:8 閣佇四圍 場帷，掛場門的門簾。
40:9 用抹的油抹會幕及其中凡所有的，分別伊及攏總的器具做聖，伊就做聖。
40:10 閣抹燒祭的壇及伊攏總的器具，分別壇做聖，壇就做至聖。
40:11 也著抹洗盪的盆，分別伊做聖。
40:12 閣著導亞倫及伊許個子到會幕門前，用水給洗。
40:13 也給亞倫穿聖衫，閣用油抹伊，分別伊做聖，互伊做祭司來服事我；
40:14 閣導伊許個子來，給穿內袍。
40:15 著給抹油親像抹老父一樣，互做祭司來服事我。受抹油欲永遠做祭司，到逐世代。」
40:16 摩西按呢行，攏是照耶和華所吩咐伊的來行。
40:17 第二年正月初一，會幕就 起來。
40:18 摩西 會幕，下許個臼， 許個板，串許個橫楗 許個柱。
40:19 佇會幕頂搭布棚，將布棚的蓋蓋佇伊的頂面，是照耶和華所吩咐摩西的。
40:20 閣用律法下佇櫃內，用槓串佇櫃裡，下施恩所佇櫃頂。
40:21 扛櫃入會幕，掛遮截的帳簾，遮截法櫃，是照耶和華所吩咐摩西的。
40:22 閣將桌下佇會幕內，佇會幕的北勢，佇帳簾外。
40:23 彼頂面用餅排佇耶和華的面前，是照耶和華所吩咐摩西的。
40:24 閣下燈台佇會幕內，及桌相對，佇會幕的南旁，
40:25 佇耶和華的面前點燈，是照耶和華所吩咐摩西的。
40:26 閣下金壇佇會幕內的帳簾前，
40:27 佇彼頂面燒芳料的香，是照耶和華所吩咐摩西的，
40:28 閣掛會幕門的門簾。
40:29 佇聚集的會幕門前，下燒祭的壇，將燒祭及素祭獻佇彼頂面，是照耶和華所吩咐摩西的。
40:30 下洗盪的盆佇會幕及壇的中間，盆內貯水，通洗盪。
40:31 摩西及亞倫及伊許個子佇遐洗手洗腳。
40:32 入會幕的時抑是就近壇的時，就洗，是照耶和華所吩咐摩西的。
40:33 佇會幕及壇的四圍 帳帷，也掛帳帷門的門簾。按呢，摩西就完工。
40:34 彼時，雲遮蓋會幕，耶和華的榮光充滿會幕。
40:35 摩西會入會幕；因為雲停佇彼頂面，閣耶和華的榮光充滿佇會幕。
40:36 雲對會幕收上去的時，以色列人就起身行的路站；
40:37 雲若無收上去，就無起身行，直直到雲收上去。
40:38 日時，耶和華的雲佇會幕頂；暝時，彼中間有火，佇以色列全家的目睭前。佇所行的路站攏是按呢。