38:1 伊用皂莢柴做燒祭的壇，長五肘，闊五肘，此個壇是四方的，高三肘，
38:2 佇壇的四角頭做四支角，及壇相連做一個，用銅包伊。
38:3 閣做壇一切的器具，伊的盆、托仔、盤、叉、火鼎；一切的器具攏用銅做。
38:4 閣為著壇用銅網做一個層，安佇壇四面圍腰板的下面，互伊透到壇的半腰。
38:5 為著銅的層的四角鑄四個環，做串槓的路用。
38:6 用皂莢柴做槓，用銅包，
38:7 將槓串佇壇雙旁的環內，用伊來扛壇，也用板做壇；壇是空殼。
38:8 伊用銅做洗盪的盆及銅座，是用會幕門前做工的婦仁人的銅鏡做的。
38:9 伊做會幕的場。彼個場的南勢用過紡的幼苧做帷，一百肘。
38:10 帷的柱二十支，銅做的臼二十個；柱的及橫杆是用銀做的。
38:11 北面也一百肘。帷的柱二十支，銅做的臼二十個；柱的及橫杆是用銀做的。
38:12 西面有帷，五十肘。帷的柱十支，臼十個；柱的及橫杆是用銀做的。
38:13 東面的東勢，五十肘。
38:14 門此旁的帷十五肘。帷的柱三支，有臼三個，
38:15 彼旁也是按呢。場門的左右各有帷十五肘，帷的柱三支，臼三個。
38:16 場四面的帳帷攏是用過紡的幼苧做。
38:17 柱的臼是銅的，柱的及橫杆是銀的，柱枓是用銀包的。場攏總的柱是用銀的橫杆穿相連的。
38:18 場門的門簾是用 花的工，用藍色、紫色、朱紅色的料，及過紡的幼苧做的，長二十肘，高五肘，及場的帷相配。
38:19 的柱四支，銅的臼四個；柱的是銀的，柱枓是銀包的，橫杆是銀的。
38:20 會幕以及場內四圍所釘的釘攏是銅的。
38:21 此個會幕是證據的會幕，彼中間利未人所欲用物件的總額，是照摩西所吩咐，經過祭司亞倫的子以他瑪的手所算的。
38:22 見若耶和華所吩咐摩西的，猶大的支派戶珥的孫、烏利的子比撒列攏做伊。
38:23 及伊相及做的有但的支派亞希撒抹的子亞何利亞伯；伊是雕刻，閣奇巧的師傅，閣會用藍色、紫色、朱紅色的料，及幼苧來 花。
38:24 做聖所一切的工所用的金就是人所獻的金，照聖所的秤，有二十九他連得閣七百三十舍客勒。
38:25 會中受算的人所出的銀，照聖所的秤，有一百他連得閣一千七百七十五舍客勒。
38:26 見若過去歸佇許個過算者，對二十歲以上，有六十萬連三千五百五十人。照聖所的秤，逐人出銀半舍客勒，就是一比加。
38:27 用彼個一百他連得的銀鑄聖所的臼及帳簾柱的臼；一百他連得做一百個臼，一個臼用一他連得。
38:28 用彼個一千七百七十五舍客勒的銀做柱的，也包柱枓也做伊的橫杆。
38:29 所獻的銅有七十他連得閣二千四百舍客勒。
38:30 用此個銅做會幕門的臼及銅壇，及伊的銅網的層及壇攏總的器具，
38:31 以及場四圍的臼及場門的臼，及會幕攏總所釘的釘及場四圍所釘的釘。
