37:1 比撒列用皂莢柴做櫃，長二肘半，闊肘半，高肘半。
37:2 內外用好金包伊，四圍齒金線，
37:3 佇伊的四腳給伊鑄四個金環：此旁二環，彼旁二環。
37:4 用皂莢柴做二支槓，用金包伊。
37:5 將槓串佇櫃邊的環內，通扛櫃。
37:6 用好金做施恩所，長二肘半，闊肘半。
37:7 用金做二個兵，用捙的法做伊，佇施恩所的雙頭，
37:8 此頭一個兵，彼頭一個兵，二個兵佇施恩所的雙頭，及伊連做一塊。
37:9 二個兵高高展開翅，用的翅遮施恩所；的面相對；兵的面俯施恩所。
37:10 伊用皂莢柴做桌，長二肘，闊一肘，高肘半，
37:11 用好金包伊，四圍給伊齒金線。
37:12 桌的四圍各做一巴掌闊的橫樑，橫樑頂四圍齒金線，
37:13 給伊鑄四個金環，安佇伊的四腳的四角。
37:14 安環的所在倚近橫樑，通串槓來扛桌。
37:15 用皂莢柴做二支槓，用金包伊，通扛桌；
37:16 也做桌頂的器具，伊的盤、碗、瓶、杯通來灌奠，攏用好金做。
37:17 伊用好金做燈台；燈台的座及中柱，伊的杯，伊的木，伊的花，攏用拍的法做歸座。
37:18 伊的邊仔分出六枝：燈台的此旁有三枝，燈台的彼旁有三枝；
37:19 此旁每枝有三個杯，款式親像杏花，有木有花；彼旁每枝也有三個杯，款式親像杏花，有木有花。對燈台分出的六枝攏是按呢。
37:20 燈台柱有四個杯，款式親像杏花，有伊的木及伊的花。
37:21 二枝的下面有一木及伊相連，閣二枝的下面有一木及伊相連，閣二枝的下面有一木及伊相連；燈台所出的六枝攏是按呢。
37:22 許個木及許個枝攏及伊連做一個，攏用好金照拍的法做。
37:23 也給伊做七個燈盞，及伊的剪及伊的盤攏用好金做的。
37:24 做燈台及一切的器具用好金一他連得。
37:25 伊用皂莢柴做香壇，長一肘，闊一肘，款式四方的，高二肘，伊許個角及壇連做一塊；
37:26 壇及伊的頂面及伊的四圍及伊許個角攏用好金包伊，也佇伊的四圍齒金線。
37:27 閣給伊做二個金環，安佇齒線的下面，佇壇的雙旁、二支橫杆的頂面，諸個環是做串槓的路用，通扛壇。
37:28 用皂莢柴做槓，用金包。
37:29 閣照做芳味的法做通抹的聖油及芳料清潔的香。