35:1 摩西招集以色列人全會，對講：「耶和華所吩咐的話，教恁著行的就是諸個：
35:2 六日著做工，第七日是恁的聖日，是大的安息日來服事耶和華。凡若佇此日做工者，著互伊死。
35:3 當安息日，佇恁逐間厝內呣通起火。」
35:4 摩西對以色列人全會講：「耶和華所吩咐的話是按呢講：
35:5 恁中間著提禮物獻互耶和華，見若心願者，通提伊來做獻互耶和華的禮物，就是金、銀、銅，
35:6 藍色、紫色、朱紅色的料，幼苧，山羊毛，
35:7 染紅的羊 皮，海狗皮，
35:8 皂莢柴，點燈的油，芳的料通做抹的油及芳香，
35:9 紅瑪瑙及別樣的寶石，通鑲佇以弗得及補。」
35:10 「恁中間見若心有智慧者，攏著來做耶和華一切所吩咐的：
35:11 就是會幕，伊的布棚及伊的蓋，伊的，伊的板，伊的橫楗，伊的柱，伊的臼，
35:12 櫃及伊的槓，施恩所及遮截的帳簾，
35:13 桌及伊的槓及伊的器具，及排列的餅，
35:14 點光的燈台及伊的器具，燈盞及點光的油，
35:15 香壇及伊的槓，抹的油及芳香，以及會幕門的門簾，
35:16 燒祭的壇及伊銅的網，及伊的槓以及伊一切的器具，洗盪的盆及伊的座，
35:17 場的帳帷及伊的柱，的臼及場門的門簾，
35:18 會幕所釘的釘及場所釘的釘，及的索，
35:19 精工的衣服佇聖所穿來服事的，就是祭司亞倫的聖衫及伊的子的衫，穿來擔當祭司的職。」
35:20 以色列人全會對摩西的面前出去。
35:21 見若受感動對心歡喜者，攏總來提禮物獻互耶和華，用來做會幕的工及一切的路用，也用來做聖衫。
35:22 見若出佇心歡喜者，查甫婦人攏來，逐個將金器，就是胸前的稟針、耳、拍印的手指，及手環這是逐人將伊的禮物獻互耶和華。
35:23 見若人有藍色、紫色、朱紅色的料，幼苧，山羊毛，染紅的羊 皮，海狗皮，攏提來；
35:24 見若獻銀及銅做禮物的，攏提來獻互耶和華；見若有皂莢柴通做甚麼路用的也提來。
35:25 見若心內有智慧的婦女親手紡線，將所紡的藍色、紫色、朱紅色的料，及幼苧攏提來。
35:26 見有智慧的、心受感動的婦女就紡山羊毛。
35:27 諸個頭人將紅瑪瑙及別樣的寶石，通鑲佇以弗得及補的，攏提來；
35:28 閣提香料，及油，通用伊來點燈，做抹的油，做芳的香。
35:29 以色列人，無論男女，見若心歡喜獻禮物互耶和華者，攏歡喜提禮物來，做耶和華託仗摩西所吩咐做一切的工。
35:30 摩西對以色列人講：「恁看，猶大的支派，戶珥的孫、烏利的子比撒列，耶和華已經指名召伊，
35:31 閣用上帝的神充滿伊，互伊有智慧、有聰明、有知識，會做逐樣的工，
35:32 會想出奇巧的工來做金、銀、銅許個物，
35:33 也會刻寶石來入伊，也會刻柴，會做逐樣奇巧的工。
35:34 閣互伊及但的支派亞希撒抹的子亞何利亞伯，心有靈竅，會教示人。
35:35 諸個人伊用智慧充滿的心，互會做逐樣的工，無論雕刻的工，奇巧的工，用藍色、紫色、朱紅色的料，及幼苧， 花的、織布的，逐樣的工，攏會做，也會想出奇巧的工。