22:1 「人若偷牽牛抑是羊，無論，抑是賣，一隻牛著賠伊五隻，一隻羊著賠四隻。
22:2 賊若挖孔互人抵著，給伊拍死，就無算伊有拍死人的罪。
22:3 若日頭已經出，就算伊有拍死人的罪。賊的確著賠。若無通賠，賊著賣身，來抵伊所偷的。
22:4 若伊所偷的，豈採牛，抑是驢、羊，猶活佇伊的手，就著賠重倍。
22:5 「人若佇田裡抑是葡萄園放精牲，出在伊食別人的田，就著用家己的田裡上好的及葡萄園上好的來賠伊。
22:6 「若火燒莿帕，續燒著稻堆，抑是猶未割的稻，抑是田園，就起火的人的確著賠。
22:7 「人若將銀抑是物件交代厝邊顧守，諸個物若對彼人的家著賊偷，賊若掠著，賊著賠重倍；
22:8 賊若掠無著，彼個家主著到官府面前，看伊有提厝邊的物件抑無。
22:9 「見若有過失，豈採是為著牛、驢、羊，抑是為著衣裳，抑是甚麼失落的物，有人認得是伊的，雙旁的案件著到官府的面前，官府若斷定甚麼人有罪，彼人著賠伊的厝邊重倍。
22:10 「人若將驢，抑是牛，抑是羊，抑是別號精牲，交代厝邊顧守，精牲豈採死，抑是受傷，抑是互人牽去，無人看見，
22:11 二人的中間著指耶和華咒誓，呣曾提厝邊的物，原主就著息，顧守的人呣免賠。
22:12 精牲若對顧守的人遐互人偷去，伊就著賠原主；
22:13 若受野獸拆碎，顧守的人著帶伊來做證據，所拆碎的就呣免賠。
22:14 「人若對厝邊借甚麼物，所借的豈採受傷，抑是死，原主無相及佇，伊的確著賠；
22:15 若原主相及佇，伊就呣免賠；若是租的，也呣免賠，因為本有租錢。」
22:16 「人若引誘未受聘的查某囝仔，及伊同房，伊著聘伊做某。
22:17 若伊的老父決斷呣肯將查某子配伊，伊就著照在室女的聘禮，互伊銀。
22:18 「做尪姨者，著互伊死。
22:19 「見若及獸淫者，的確著互伊死。
22:20 「無專專祭祀耶和華，來祭祀別個上帝者，著滅伊。
22:21 「呣通欺負出外人，也呣通壓制伊，因為恁佇埃及地也曾做出外人。
22:22 呣通歹款待寡婦及孤兒；
22:23 若小可歹款待，求叫我，我的確欲聽的求叫，
22:24 也欲大受氣，用刀恁，互恁的某做寡婦，恁的子做孤兒。
22:25 「我的百姓中有喪鄉人及恁徛起，你若借伊銀，你呣通親像債主款待伊，也呣通提伊的利息。
22:26 你若提厝邊的衣裳做準當，日落就著還伊；
22:27 伊只有此件通蓋，是伊遮身軀的衫，若無，伊欲怎樣睏？伊求我，我欲聽，因為我是慈悲者。
22:28 「呣通誹謗官府，也呣通罵你的百姓的序大。
22:29 「你著對所收成的五穀及酒窟內所流出的酒提來獻，呣通延延。
22:30 「你著將頭上的子歸佇我。你的牛你的羊，也著按呢；七日通隨伊的母，第八日著歸佇我。
22:31 「恁著為著我做聖的百姓。所以，田裡野獸所拆裂的肉，恁呣通食，著互狗。」
