11:1 黎巴嫩啊，你著開你的門，互火通燒滅你的柏香樹。
11:2 松樹啊，恁著哮；因為柏香樹已經倒，娞的樹已經毀壞。巴珊的橡樹啊，恁著哮，因為茂盛的樹林已經衰敗。
11:3 聽啊，有牧者哮，因為的榮耀毀壞啦。聽啊，有勇的獅噤噤哮，因為約但河邊的樹林荒廢啦。
11:4 耶和華──我的上帝按呢講：「欲的羊群你著飼。
11:5 買的，家己掠做無罪；賣的講：『耶和華是應該謳咾者，因為我好額啦。』的牧者也無憐憫。
11:6 耶和華講：『我無閣憐憫此所在徛起的百姓，看啊，我欲將逐人交佇厝邊的手，也佇伊的王的手。欲拍此個地方，我也無欲救百姓脫離的手。』」
11:7 對按呢，我飼欲的羊群，就是羊群中第一困苦者。我家己取二支柺仔，一支叫做「恩惠」，一支叫做「聯絡」。來飼此個羊群。
11:8 一月日內，我除去三個牧者，因為我的心厭賤；的心也氣嫌我。
11:9 我就講：「我無欲養飼恁。死者，出在伊死；無去者，出在伊無去；所剩者，出在相吞食。」
11:10 我抬我彼支「恩惠」的柺仔遏折伊，來廢無我及萬百姓所立的約。
11:11 彼日就廢無伊。困苦的羊向望我者攏知這是耶和華的話。
11:12 我對講：「恁若掠做好，就互我工錢。若無，就息！」對按呢秤銀三十做我的工錢。
11:13 耶和華給我講：「著將彼個互燒磁人，就是所估我高的價錢。」我就提彼個銀三十，互燒磁人佇耶和華的殿。
11:14 我閣遏折我第二支的柺仔名做「聯絡」者，來廢無猶大及以色列兄弟的情誼。
11:15 耶和華閣給我講：「你閣提戇的牧者所用許個器具，
11:16 看啊，我欲佇此所在興起一個牧者。失落者伊無欲插，四散者伊無欲尋，受傷者伊無欲醫伊，勇壯者伊無欲飼伊；干單欲食肥者的肉，拆裂伊的蹄。
11:17 無路用的牧者，棄拺羊群者有災禍啊！刀欲臨到伊的手及伊的正目。伊的手欲全然枯焦；伊的正目欲黑黑暗暗。」