1:1 以色列王大衛的子所羅門的箴言：
1:2 欲互人會曉得智慧及教示，明白通達的話，
1:3 互人受教示會用智慧辦代誌，用公義、判斷、正直，
1:4 互戇直的人有靈竅，互少年人有智識及計劃，
1:5 互智慧的人聽見，加添學問，互聰明的人得著真的見識，
1:6 互人明白箴言及所出的猜。
1:7 敬畏耶和華是智識的根本；愚戇的人藐視智慧及教示。
1:8 我的子，著聽你的老父的教督，呣通棄拺你的老母的教示；
1:9 因為這欲做你頭殼頂的娞帽，你的頷頸的金鍊。
1:10 我的子，歹人若引誘你，你呣通趁伊。
1:11 若講：你及阮去，咱來匿人，無因端當等無罪的人；
1:12 咱親像陰府，給活活吞落去；親像陷落坑的人，互咱做一下吞落去；
1:13 咱欲得著逐樣的寶物，用所搶的，囤滿咱的厝；
1:14 你來入阮的黨，大家有公共的銀袋；
1:15 我的子，莫得及同行，約束你的腳莫得踏的路。
1:16 因為，的腳走去行歹；趕緊欲互人流血，
1:17 設羅網互鳥仔看見，這是空空。
1:18 諸個人匿，是流家己的血；當等，是害家己的生命。
1:19 見若貪財利者，的路是按呢；就是搶提家己的生命。
1:20 智慧佇街路大聲叫，佇開闊的所在出伊的聲，
1:21 佇鬧熱的街路頭大聲叫，佇城門口，佇城內講出伊的話，
1:22 講：戇直人愛戇直，侮慢人愛侮慢，愚戇人怨恨智識，欲到甚麼時啊？
1:23 我責備恁，恁著越轉；看啊，我欲用我的神降落互恁，用我的話指示恁。
1:24 因為我曾叫，恁呣聽；我曾伸手，無人致意；
1:25 恁反轉看輕我一切的勸戒，呣肯受我的責備。
1:26 所以恁抵著患難，我欲凊笑；恁抵著驚惶，我欲弄哏。
1:27 恁的驚惶，親像狂風吹來；恁的災禍，親像捲螺風掃來；患難痛苦臨到恁身上。
1:28 彼時，欲求我，我呣聽，切切尋我，尋著。
1:29 因為，怨恨智識，無歡喜敬畏耶和華，
1:30 呣聽我的勸戒，藐視我的責備，
1:31 所以欲食家己行做的果子，互得著所計謀到飽厭。
1:32 戇直人的悖謬，欲互伊致到死；愚戇人安逸，欲互伊致到滅無。
1:33 獨獨聽趁我的，欲安然徛起，欲享受安靜，無驚抵著災禍。