7:1 我的子，你著保守我的話，心內囥我的命令。
7:2 保守我的命令就得著活；保守我的教示，親像保守目睭仁，
7:3 縛佇你的指頭仔，刻佇你的心碑。
7:4 著對智慧講：你是我的姊妹，著叫聰明做你的親人，
7:5 伊會保護你閃避淫婦，閃避講諂媚話的妓女。
7:6 我曾徛佇我的厝的窗仔，對我的窗仔子看出去：
7:7 看見愚戇人的內面，後生家的中間，明明看見有一個無知的少年人，
7:8 對街路經過，近淫婦的厝角，行彼條透到伊的厝的路，
7:9 佇黃昏，佇下昏，佇暝時的黑暗。
7:10 看啊，有一個婦仁人抵著伊，是妓女的打扮，有狡怪的心思。
7:11 此個婦仁人嚷，無受約束，伊的腳無住厝，
7:12 有時佇街路裡，有時佇開闊的所在，有時佇逐個巷口當等，
7:13 擒彼個少年人，及伊唚嘴，無見誚的面色對伊講：
7:14 我遮有平安祭，今仔日有謝我的願。
7:15 所以，我出來迎接你，懇切尋見你的面，抵好抵著你。
7:16 我已經用 花的毯仔及埃及的線所織的花鑆的布，舒佇我的眠床。
7:17 我閣用沒藥、沈香、肉桂，灑我的床。
7:18 來啊，咱通享受愛情到滿意，直到天光；咱通相及戀愛快樂。
7:19 因為查甫人無佇厝裡，出去行遠路；
7:20 伊手帶銀袋，到月圓才倒來。
7:21 淫婦用多多奇巧的話引誘伊，用諂媚的嘴迫伊相及去。
7:22 伊連鞭隨伊去，親像牛牽去，閣親像戇人帶鎖鍊去受刑罰，
7:23 到箭射入伊的肝，親像鳥仔緊緊入羅網，也呣知這是關係伊的生命。
7:24 諸個子啊，今著聽趁我，留心聽我所講的話。
7:25 你的心呣通意向伊的路，呣通迷佇伊的路。
7:26 因為，伊互多多人受傷倒落去；閣真多人互伊死。
7:27 伊的厝是做陰府的路，導到死無的厝宅。