4:1 恁諸個子啊，著聽老父的教示，著注意來得著明理。
4:2 因為我用好的道理互恁；呣通棄拺我的法度。
4:3 我是老父的子，佇老母的面前做伊第一疼的幼秀子。
4:4 老父教示我，給我講：你的心著記住我的話，遵守我的命令，就得著活。
4:5 著得著智慧，著得著聰明，呣通記得，呣通離開我所講的話。
4:6 呣通棄拺智慧，伊欲保護你；著疼伊，伊欲照顧你。
4:7 智慧是根本；著得著智慧。佇你一切所得著的中間，著得著聰明。
4:8 你若尊重伊，伊欲互你升高；你若戀慕伊，伊就互你榮光。
4:9 伊欲用娞的帽戴佇你的頭殼，將榮光的冕旒互你。
4:10 我的子，著聽來接納我的話，就欲食長歲壽。
4:11 我已經指示你智慧的路，引導你行正直的路徑。
4:12 你行的時，無致到阻礙；你走，亦無致到著觸。
4:13 著執守教示，呣通放鬆；著謹慎守伊，因為伊是你的活命。
4:14 兇惡的人的路莫得入；歹人的路莫得行。
4:15 著閃避伊，呣通對遐過；著越走離開伊進前去。
4:16 因為伊若無害人，就睏得；若無互人跋倒，就睏落眠；
4:17 因為對兇惡得著食餅，對強暴得著飲酒。
4:18 獨獨義人的路親像透早的光，愈照愈光，到日中晝。
4:19 歹人的路親像黑暗，著觸呣知甚麼緣故。
4:20 我的子，著注意聽我的話，俯耳孔聽我所講的，
4:21 呣通互伊離開你的目睭，著記住佇你的心內。
4:22 因為尋著伊的人，就得著活命，閣通身軀得著勇健。
4:23 你著盡力保守你的心，因為伊是活命的根源。
4:24 你的嘴著除去邪僻，你的嘴唇著離開橫逆。
4:25 你的目睭著看直直；你的目睭著看頭前。
4:26 著修平你的腳的路，著堅固你攏總的路途。
4:27 呣通偏左偏右；著互你的腳離開歹。