29:1 人沓沓受責罰，猶原硬伊的頷頸，伊欲忽然間敗壞，攏無法度通醫治，
29:2 義人加添多多的時，百姓就快樂；歹人掌權的時，百姓就吐氣。
29:3 欣慕智慧的，互伊的老父快樂；及妓女結交的，花費伊的錢財。
29:4 王照公平，互國堅固；愛受賄賂，就捙倒伊。
29:5 諂媚伊的厝邊的，就是設羅網纏伊的腳。
29:6 佇歹人的罪中，有羅網；獨獨義人唱歌歡喜。
29:7 義人查知喪鄉人的案件；歹人無明理，就呣知。
29:8 侮慢的人攪擾城親像放火燒；獨獨智識的人互受氣攏息。
29:9 智慧的人及戇人相爭，或是受氣抑是笑，攏會安靜。
29:10 愛人的，怨恨完全的人，獨獨正直的人欲揲伊的生命。
29:11 愚戇的人有受氣就攏顯出；若是智識的人就約束互伊息。
29:12 掌權者若聽趁白賊話，伊的人臣就攏歹。
29:13 喪鄉的人，及暴虐的人相抵著；耶和華照光二等號人的目睭。
29:14 王照誠實判斷喪鄉人；伊的座位欲永遠堅固。
29:15 枴仔及責備會加添智慧；放出在伊的囝仔會互伊的老母見誚。
29:16 歹人加添的時，罪過也加添，義人欲看見失敗。
29:17 教督你的子，伊就欲互你安心，伊也欲互你的心歡喜。
29:18 若無默示異象，百姓就放縱；獨獨執守律法的，就有福氣。
29:19 干單用話，奴僕呣肯受教督；伊雖然明白，也無致意。
29:20 你看見趕緊講話的人無？戇人比伊卡有通向望。
29:21 人有奴僕對細漢款待伊過頭，此個奴僕到路尾欲變做伊的子。
29:22 愛受氣的人起相爭；大受氣的人多多犯罪。
29:23 人的驕傲欲互伊降低；心謙卑的人，欲互伊得著榮光。
29:24 及賊分贓的人，是怨恨家己的生命；伊聽見咒誓的話，也無講出。
29:25 驚畏人的，就是設羅網；獨獨倚靠耶和華的，欲得著安穩。
29:26 多多人求掌權者的恩典；獨獨人的受判斷是對耶和華。
29:27 無公道的人，是義人所厭惡；行正直的人，是歹人所厭惡。