24:1 莫得欣羨歹人，也呣通愛及in做一堆；
24:2 因為in的心圖謀強暴，in的嘴談論殘害。
24:3 厝對智慧來起造，閣對聰明來建立；
24:4 閣對智識就許個房間，有逐項寶貝及娞的財物滿滿。
24:5 智慧的人有大能力；有智識的人加添氣力。
24:6 你欲交戰，著用好的計策；謀士多，就會得勝。
24:7 智慧真高，戇人boe會到，佇城門伊無開嘴。
24:8 設計謀做歹的，人欲稱伊做惹災禍的。
24:9 戇人的心想是罪惡；侮慢的是人所厭惡。
24:10 你佇患難的日若退縮，你的氣力就少。
24:11 人受拖到死地，你著救伊；人欲受thai（殺），你呣通無救伊。
24:12 你若講：看啊，此個事我呣知，彼個鑑察人的心的豈boe忖度嗎？保全你的生命的豈呣知？伊豈無照逐人所行的報應逐人嗎？
24:13 我的子，你著食蜜，因為是好；食蜜房所滴的蜜就知甜。
24:14 著知智慧佇你的心，也是按呢。你若尋著，將來欲有好報；你的向望也無致到斷絕。
24:15 歹人啊！呣通匿teh攻擊義人的家；呣通敗壞伊安息的所在。
24:16 因為，義人跋倒七擺，會閣起來；歹人受災難就倒壞。
24:17 你的對敵跋倒，你莫得歡喜；伊倒壞，你的心莫得快樂；
24:18 驚了耶和華看見就無歡喜，就互伊的受氣離開彼個人。
24:19 呣通為著做歹的人來boe khat得，也莫得欣羨歹人；
24:20 因為，歹人無好尾景；歹人的燈欲熄去。
24:21 我的子啊，你著敬畏耶和華及君王，莫得及反覆的人結交，
24:22 因為in的災害忽然起。in的年歲的絕，是誰會知？
24:23 下面所記的也是智慧人的話：審判的時看人的情面是呣好。
24:24 對歹人講「你是公義」，此個人萬百姓欲咒詛伊，列邦欲厭惡伊。
24:25 責備歹人的，欲得著歡喜；好話的祝福也欲臨到伊。
24:26 用合宜的話應答的，親像用嘴給人唚。
24:27 你著代先備辦外頭的事，田園料理清楚，才通起厝。
24:28 呣通無緣故做干證來攻擊厝邊，你豈欲用嘴唇來欺騙人。
24:29 呣通講：伊怎樣款待我，我也按呢款待伊；我欲照彼人所行的來報伊。
24:30 我經過貧憚的人的田、無知的人的葡萄園，
24:31 看見莿帕遍遍發，草茦遮蓋地面，石牆也倒落去。
24:32 我看了就留心想；我看了就受教示。
24:33 閣睏霎仔久，閣眠霎仔久，束手撐霎仔久，
24:34 你的喪鄉欲親像賊來，你的欠缺親像穿戰甲的來。