2:1 我的子，你若承受我的話，存我的命令佇心內，
2:2 互你俯耳孔聽智慧，專心求聰明，
2:3 求得著明理，大聲求聰明，
2:4 若尋伊，親像尋銀，搜尋伊，親像搜尋囥密的寶貝，
2:5 你就明白敬畏耶和華的事，尋著識上帝的理。
2:6 因為，耶和華賞賜智慧；知識及聰明攏對伊的嘴出。
2:7 伊給正直的人積聚真的智慧，給行做端正的人做盾牌，
2:8 通保守公平的路，保護聖徒的路。
2:9 你就明白公義、判斷、正直及一切的好路。
2:10 因為智慧欲入你的心；智識做你的神魂所歡喜的。
2:11 計劃欲保護你；聰明欲保守你，
2:12 欲互你閃避歹路，脫離講橫逆的人。
2:13 彼號人放拺正直的路，行黑暗的路，
2:14 歡喜做歹，意愛歹人的橫逆，
2:15 的路彎曲，的所行橫逆。
2:16 欲互你閃避淫婦，就是講諂媚話的妓女。
2:17 伊棄拺少年的時的匹配，記得伊的上帝的約。
2:18 因為伊的厝向佇死無；伊的路透陰府。
2:19 見若到伊遐者，無一個倒轉，亦會入活命的路。
2:20 智慧欲互你行好人的路，守義人的路。
2:21 因為正直的人欲徛起地面；完全的人亦欲留佇遐。
2:22 獨獨歹人欲對地面剪除；奸詐的人，欲對遐拔出。