12:1 歡喜受教督的，就是歡喜知識；怨恨責備者，就是精牲。
12:2 好人欲得著耶和華的恩惠；設詭計的人，伊欲定伊的罪。
12:3 人會對歹來建立；義人的根本永搖動。
12:4 才德的婦仁人是丈夫的冕旒；卸敗的婦仁人互丈夫親像骨朽爛。
12:5 義人的念頭是公平；歹人的計謀是詭詐。
12:6 歹人的話是當等欲害人；正直的人的嘴欲救伊。
12:7 歹人倒壞，歸佇無；義人的家欲徛在。
12:8 人欲照伊的智慧得著謳咾；心內乖謬的欲受藐視。
12:9 受人看輕者，猶久有奴僕的，卡贏家己尊大，也欠缺米糧的。
12:10 義人關心伊的精牲的活命；歹人的憐憫也是殘忍。
12:11 種作伊的田園的，欲有米糧夠額；交陪無下落的人是無知。
12:12 歹人欣慕不義的人的羅網；義人的根頭生出果子。
12:13 嘴唇的過失是歹的羅網；獨獨義人欲脫離患難。
12:14 人因為嘴所結者果子，欲得著福氣滿滿；人照伊的手所做的，欲得著報應。
12:15 戇人看家己的路做正直；獨獨智慧的人聽人苦勸。
12:16 戇人的呣願連鞭顯出；通達的人囥密見誚，
12:17 講實話的，顯明公義；濫糝干證的，顯出詭譎。
12:18 講話躁性的，親像刀的鑿人；智慧的人的舌會醫好人。
12:19 誠實的嘴，永遠堅固；白賊的舌，不過霎仔久。
12:20 圖謀歹代的，心存詭詐；勸人和好的，欲得著歡喜。
12:21 義人無抵著災害；歹人抵著災禍滿滿。
12:22 白賊的嘴唇是耶和華所厭惡；行代誌誠實的，是伊所歡喜。
12:23 通達的人隱囥知識；戇人的心顯出愚戇。
12:24 殷勤的人伊的手欲掌權；貧憚的人欲做人的苦工。
12:25 人的心掛慮，互伊餒志；一句好話，互伊歡喜。
12:26 義人引導伊的厝邊；歹人的路互人失迷。
12:27 貧憚的人無拍獵所得著者；殷勤的人得著人寶貴的財物。
12:28 佇公義的路有活命；伊的路徑並無死無。