33:1 以色列人照軍隊，佇摩西、亞倫的手下出埃及地所行的路站記佇下面。
33:2 摩西照耶和華的命令記載起身行的路站，起身行的路站就是按呢：
33:3 正月間佇正月十五日，就是過節的第二日，以色列人對蘭塞起身，佇埃及眾人的目睭前靠大權能的手出去。
33:4 彼時，埃及人埋葬攏總的大子，就是耶和華佇中間所拍死者；耶和華也譴責許個上帝。
33:5 以色列人對蘭塞起身，紮營佇疏割。
33:6 對疏割起身，紮營佇近曠野的以倘。
33:7 對以倘起身，越轉到比哈希錄，就是佇巴力洗分的對面，就紮營佇密奪的頭前。
33:8 對哈比錄對面起身，經過海中到曠野，閣佇以倘的曠野行三日的路站，就紮營佇瑪拉。
33:9 對瑪拉起身，來到以琳，（以琳有十二條水泉，七十欉棗樹），就佇遐紮營。
33:10 對以琳起身，紮營佇紅海墘。
33:11 對紅海墘起身，紮營佇汛的曠野。
33:12 對汛的曠野起身，紮營佇脫加。
33:13 對脫加起身，紮營佇亞錄。
33:14 對亞錄起身，紮營佇利非訂；佇遐，無水通互百姓飲。
33:15 對利非訂起身，紮營佇西奈的曠野。
33:16 對西奈的曠野起身，紮營佇基博羅哈他瓦。
33:17 對基博羅哈他瓦起身，紮營佇哈洗錄。
33:18 對哈洗錄起身，紮營佇利提瑪。
33:19 對利提瑪起身，紮營佇臨門帕烈。
33:20 對臨門帕烈起身，紮營佇立拿。
33:21 對立拿起身，紮營佇勒撒。
33:22 對勒撒起身，紮營佇基希拉他。
33:23 對基希拉他起身，紮營佇沙斐山。
33:24 對沙斐山起身，紮營佇哈拉大。
33:25 對哈拉大起身，紮營佇瑪吉希錄。
33:26 對瑪吉希錄起身，紮營佇他哈。
33:27 對他哈起身，紮營佇他拉。
33:28 對他拉起身，紮營佇密加。
33:29 對密加起身，紮營佇哈摩拿。
33:30 對哈摩拿起身，紮營佇摩西錄。
33:31 對摩西錄起身，紮營佇比尼亞干。
33:32 對比尼亞干起身，紮營佇曷哈及甲。
33:33 對曷哈及甲起身，紮營佇約巴他。
33:34 對約巴他起身，紮營佇阿博拿。
33:35 對阿博拿起身，紮營佇以旬迦別。
33:36 對以旬迦別起身，紮營佇尋的曠野，就是加低斯。
33:37 對加低斯起身，紮營佇何珥山，以東地的邊界。
33:38 以色列人出埃及地的四十年，五月初一日，祭司亞倫遵趁耶和華的命令上何珥山，就死佇遐。
33:39 亞倫死佇何珥山的時一百二十三歲。
33:40 徛起佇迦南地南方的迦南人亞拉得王聽見以色列人來啦。
33:41 以色列人對何珥山起身，紮營佇撒摩拿。
33:42 對撒摩拿起身，紮營佇普嫩。
33:43 對普嫩起身，紮營佇阿伯。
33:44 對阿伯起身紮營佇以耶亞巴琳，摩押的邊界。
33:45 對依因起身，紮營佇底本迦得。
33:46 對底本迦得起身，紮營佇亞門低比拉太音。
33:47 對亞門低比拉太音起身，紮營佇尼波對面的亞巴琳山。
33:48 對亞巴琳山起身，紮營佇摩押的平洋約但河邊、耶利哥對面。
33:49 紮營佇約但的河邊，對伯耶施末到亞伯什亭佇摩押平洋。
33:50 耶和華佇摩押平洋──約但河邊、耶利哥對面吩咐摩西講：
33:51 「你著吩咐以色列人給講：恁過約但河入迦南地的時，
33:52 就著對恁面前趕出遐所有徛起的百姓，毀滅一切拍成的石像閣毀滅一切鎔鑄的偶像，閣拆毀一切的山頭壇。
33:53 恁著佔彼所在，也著徛起佇遐，因為我將彼所在賞賜恁做業。
33:54 恁著照逐家拈鬮，承接彼個地；人多的，著分產業卡多互；人少的，著分產業卡少互。看人拈著甚麼所在，彼所在就歸伊。照恁祖公的支派恁著承接伊。
33:55 設使恁無趕出彼所在徛起的百姓，就恁所容允伊踮的百姓，欲做恁目睭中的茦， 下的草茦，也欲佇恁所徛起的地窘迫恁。
33:56 閣我欲款待恁，親像我曾想欲款待的。」