3:1 有災禍啊？互人流血的城，有詭詐強暴滿滿──搶劫無息。
3:2 有馬鞭的聲，有車輪呼呼哮的聲，馬 跳，車吭吭哮，咈咈
3:3 馬兵進前，刀劍光爁爁，伊的槍炎炎閃，受者不止多，身屍成大堆，身屍算得，人跋倒佇死人的頂面，
3:4 因為娞的娼妓有多多淫行，慣練做尪姨，用伊的淫行迷惑列國，用伊的邪術迷惑多多族。
3:5 萬軍的耶和華講：看啊，我攻擊你；我欲掀你的裙，蓋你的面，互列國看見你的赤體，互列邦看見你的見誚。
3:6 我欲將可惡污穢的物佇你的身上，凌辱你，互人目睭看見。
3:7 對按呢見若看見你者，攏欲逃走離開你，講：尼尼微拋荒啦！有甚麼人為伊悲傷啊？我欲對叨落尋著安慰你的人啊？
3:8 你豈有卡贏羅亞們嗎？伊坐佇諸個河的中間，周圍有水；海做伊的河溝，海做伊的城牆。
3:9 古實及埃及做伊無限量的氣力；弗及路比是幫助你者。
3:10 總是伊受遷徙，互人掠去；伊的嬰仔互人摔死佇街路頭。人為著伊尊貴的人拈鬮；伊的大官員攏互鐵鍊縛。
3:11 你欲飲到醉，亦欲受囥密，閣因為閃避對敵來尋衛所。
3:12 你一切險要的所在欲親像無花果樹有起頭熟的無花果，一下搖伊就磕落佇食的人的嘴。
3:13 看啊，恁中間的百姓是親像婦仁人；你境內的門攏開佇對敵的面前；火燒你的門楗。
3:14 你著汲水備辦受圍困；著堅固你的衛所，著到土窟踏土，修理磚窯。
3:15 佇遐，火欲燒滅你；刀欲你，吞滅你親像 猴。出在你加添多多親像 猴，加添多多親像草蜢。
3:16 你加添你的生理人，卡多天頂的星； 猴損害了就飛去。
3:17 你的貴族親像草蜢；你的大官員親像歸陣的草蜢，天氣冷的時就歇佇籬笆，日出就飛去，人呣知伊去叨落。
3:18 亞述王啊，你的牧者睏；你的貴族倒；你的百姓四散佇山裡，無人招集。
3:19 你的傷醫得；你受拍真殄。見若聽見你的消息者欲因為你拍手。你所行的歹甚麼人無抵著？