4:1 彼時，耶穌互聖神導到曠野，欲受魔鬼試。
4:2 已經禁食四十日暝，後來就枵。
4:3 試者倚來給伊講：「你若是上帝的子，就教諸個石變做餅。」
4:4 若是伊應講：「有記載講：人的活，呣若倚靠餅，就是倚靠對上帝的嘴所出攏總的話。」
4:5 魔鬼就導伊到聖城，互伊徛佇殿的尾溜，
4:6 給伊講：「你若是上帝的子，著家己趒落去，因為有記載講：伊欲為著你命令伊的天使，欲用手扶你，免得你的腳觸著石。」
4:7 耶穌給伊講：「閣有記載講：『莫得試主──你的上帝。』」
4:8 魔鬼閣導伊上極高的山，用天下萬國及的榮光互伊看，
4:9 給伊講：「你若仆落拜我，諸個我攏互你。」
4:10 耶穌就給伊講：「撒但，退去！因為有記載講：著拜主──你的上帝，獨獨服事伊若定。」
4:11 對按呢，魔鬼離開伊，有天使到來伺候伊。
4:12 耶穌聽見約翰關監，就退去加利利；
4:13 離開拿撒勒，去迦百農徛起。此所在佇海邊，佇西布倫及拉大利的交界。
4:14 是欲應驗早託先知以賽亞所講的，
4:15 講：西布倫的地，拉大利的地，沿海墘的路，約但的河外，外邦的加利利──
4:16 坐佇黑暗的百姓曾看見大光；坐佇死蔭的地的有光起來照。
4:17 對彼時，耶穌起頭宣傳，講：「恁著反悔，因為天國近啦！」
4:18 耶穌行佇加利利的海墘，看見二個兄弟仔，就是西門叫做彼得及伊的兄弟安得烈，拋網佇海裡；因為是討漁人。
4:19 伊就給講：「來隨我，我欲互恁得著人親像討魚的。」
4:20 連鞭離開網，來隨伊。
4:21 對遮進前，閣看見二個兄弟仔，就是西庇太的子雅各及伊的兄弟約翰，及老父西庇太佇船裡補網，耶穌招，
4:22 連鞭離開船，拜別的老父，來隨伊。
4:23 耶穌遍行加利利，佇的會堂教示，宣傳天國的福音，醫好百姓間逐樣的症頭及逐樣的病疼。
4:24 伊的名聲報揚到通敘利亞。凡有致病的，抵著多多樣的症頭及痛疼的、患著鬼的、羊眩的、半 的，導攏來就近伊，伊就醫好。
4:25 彼時，對加利利、低加波里、耶路撒冷、猶太，及約但外，有多多陣的人來隨伊。