24:1 七日的頭一日，天昲光，許個婦仁人帶所備辦許個香料到墓，
24:2 看見石已經對墓門翱開，
24:3 就入去，無看見主的身屍。
24:4 為著按呢躊躇的時，忽然有二人徛佇身邊，衣裳光爁爁。
24:5 婦仁人驚惶，面俯落地。彼二人給講：「啥事佇死人中尋活人啊？
24:6 伊無佇遮，已經復活。恁著記得伊猶佇加利利的時有怎樣給恁講：
24:7 『人子的確著交佇罪人的手，互釘佇十字架，第三日復活。』」
24:8 就記得伊的話，
24:9 對墓裡倒去，將諸個事攏報互十一個學生及其餘的眾人知。
24:10 去對使徒講諸個代誌的就是抹大拉的馬利亞及約亞拿，及雅各的老母馬利亞，以及其餘及做伴的婦仁人。
24:11 使徒看許個話做無影，也呣信伊。
24:12 若是彼得起來，走到墓裡，俯落去看，只有看幼苧布若定，就倒去厝，奇怪所經過的事。
24:13 像彼日，學生中有二人去一個鄉社；名以馬忤，離耶路撒冷二十五里。
24:14 相及談論所經過攏總的事。
24:15 談論相問的時，耶穌本身近倚，及相及行；
24:16 二人迷目，致到認得伊。
24:17 伊對講：「恁行的時相及辯論的是甚麼話？」就徛，面帶憂容。
24:18 其中一個名革流巴應伊講：「你豈單身出外佇耶路撒冷，也呣知近日佇遐所經過的事嗎？」
24:19 伊給講：「甚麼事啊？」給伊講：「就是拿撒勒人耶穌的事。伊是先知人，佇上帝及眾百姓的面前，所講所行有權能。
24:20 也許個祭司頭及咱的序大解送伊，去定死罪，釘伊佇十字架。
24:21 若是阮平素向望伊，就是彼個欲贖回以色列的。呣若按呢，閣諸個事成，已經三日啦。
24:22 閣阮中間幾若個婦仁人互阮真卬愕；因為拍昲光到墓裡，
24:23 無看見伊的身屍，就來講，有看見天使出現，講伊復活啦。
24:24 阮中間幾若人到墓裡，果然看見照婦仁人所講的；總是無看見伊。」
24:25 耶穌對講：「無知的人啊，先知所講一切的話，恁的心怎樣許信啊！
24:26 基督受諸個艱苦，來入伊的榮光，豈呣應該嗎？」
24:27 就對摩西及眾先知起，見若聖經中所指伊的攏給解明。
24:28 將近所去的鄉社，耶穌親像欲行卡遠，
24:29 二人強留伊講：「請及阮住，時已經晏，日欲落啦！」伊就入去，欲及住。
24:30 相及坐桌的時，耶穌提餅，祝謝，擘來互。
24:31 的目睭開，就認得伊。連鞭無閣看見。
24:32 就相及講：「路裡，伊及咱講話，開拆聖經的時，咱的心豈無熱嗎？」
24:33 就即時起身，倒去耶路撒冷，抵著十一個學生及同佇的人聚集，
24:34 講：「主果然復活，也出現互西門看見。」
24:35 二人也講起佇路裡所抵著的事，及佇擘餅的時怎樣認得伊。
24:36 講諸個話的時，耶穌本身徛佇中間，給講：「願恁平安！」
24:37 卬愕閣驚，掠做所看見的是神。
24:38 伊就給講：「恁啥事茹亂？心內生起僥疑啊？
24:39 著看我的手，我的腳，就是我本身。摸我就知！因為神無骨無肉，照恁看見，我攏是有。」
24:40 講按呢，就將手及腳互看。
24:41 學生為著歡喜的緣故，猶久無信，閣奇怪，伊給講；「恁佇遮有甚麼通食無？」
24:42 就將的魚一片互伊。
24:43 伊提去，當的面前食伊。
24:44 閣對講：「諸個就是我猶久及恁佇的時所對恁講的話：講見若佇摩西的律法，及許個先知，以及詩篇，所記載指我的話攏的確著應驗。」
24:45 就開的心竅，互會曉悟許個聖經，
24:46 閣給講：「有按呢記載，基督著受苦，第三日對死人中復活，
24:47 也反悔及赦罪的道理，欲佇伊的名來傳到萬邦，是對耶路撒冷起。
24:48 恁做諸個代誌的干證。
24:49 也我欲差我的父所應允的到佇恁，總是恁著佇此個城，聽候對頂面落來的權能親像衫給恁穿。」
24:50 就導出去到伯大尼的對面，抬起手給祝福。
24:51 祝福的時，就離別，受接接上天。
24:52 就拜伊，就倒轉去耶路撒冷，大大歡喜，
24:53 常常佇殿內謳咾上帝。