5:1 約但河西勢的亞摩利人諸個王及倚海的迦南人諸個王，聽見耶和華佇以色列人的面前互約但的水乾去，聽候咱過去，的心因為以色列人的緣故就失膽，神不附體。
5:2 彼時，耶和華對約書亞講：「你著創火石刀，第二擺給以色列人行割禮。」
5:3 約書亞就創火石刀，佇「除去皮山」遐給以色列人行割禮。
5:4 約書亞給行割禮的緣故，是因為對埃及出來的眾百姓，見會交戰的查甫丁，出埃及以後，佇路裡死佇曠野。
5:5 因為出來的眾百姓攏受割禮；獨獨出埃及以後、佇曠野的路裡所生的眾百姓攏無受割禮。
5:6 以色列人佇曠野行四十年，到眾百姓，就是出埃及的戰士，一盡消滅，因為無聽趁耶和華的話。耶和華曾對咒誓，呣互看見耶和華對列祖所咒誓、欲賞賜咱的地，就是流奶及蜜的地。
5:7 的子孫，就是伊所興起來續接的，攏無受割禮；因為佇路裡無給行割禮，約書亞才給行。
5:8 百姓攏受割禮明白，就踮佇營內家己的所在，聽候好。
5:9 耶和華對約書亞講：「我今仔日將埃及的凌辱移徙離開恁。」對按呢，彼所在名叫吉甲，直到今仔日。
5:10 彼時以色列人紮營佇吉甲。彼月十四下昏，佇耶利哥的平洋守過節。
5:11 過節的隔日，就食彼所在所出的；抵抵彼日食無酵餅及烘的五穀。
5:12 食彼所在所出的隔日嗎哪就停歇，以色列人也無閣有嗎哪。彼年，就食迦南地的土產。
5:13 約書亞倚近耶利哥的時，抬目看，看見有一人手拔刀，徛佇伊的對面。約書亞近倚伊，問伊講：「你是為阮的？抑是為阮的對敵啊？」
5:14 伊應講：「無，我來是做耶和華的軍長。」約書亞就仆佇地裡拜伊，講：「我的主命令奴僕甚麼？」
5:15 耶和華的軍長對約書亞講：「褪你腳裡的鞋，因為你所徛的所在是聖的。」約書亞就照按呢行。