37:1 因為按呢我的心噗噗筅，搖動離開本位。
37:2 著致意聽伊 的聲以及伊的嘴所出嗡的聲。
37:3 伊的聲發出到普天下，伊的電閃到地極。
37:4 隨後有聲 哮，伊用威嚴的聲發雷，伊的聲一下聽見，伊無停止。
37:5 上帝發出雷的聲真奇妙；伊行大事，互咱繪測 得。
37:6 因為伊對雪講：著落佇地上；對歸陣的雨及歸陣的大雨也是按呢講。
37:7 伊禁止逐人的手，互所造的人攏會知。
37:8 百獸入穴，攏住佇的洞。
37:9 大風對伊的府庫來；寒冷對北方出。
37:10 對上帝的歕氣就堅冰；寬闊的水就結。
37:11 伊互濕氣積滿佇密雲，展開電光的雲；
37:12 此個是趁伊的指揮四界行轉踅，佇世界的地面行伊一切所吩咐的，
37:13 或是為著責罰，或是為著潤澤地，或是為著施行慈愛才互伊來。
37:14 約伯啊，你著留心來聽，著徛來想上帝奇妙的事。
37:15 上帝怎樣吩咐諸個，怎樣互雲中的電光照出，你知嗎？
37:16 雲怎樣舖平佇空中，彼個智識齊備的奇妙的事，你知嗎？
37:17 土地因為南風靜靜的時，你的衣服怎樣燒烙，你知嗎？
37:18 你豈會及伊相及舖穹蒼嗎？此個穹蒼堅，親像鑄成的鏡。
37:19 阮因為愚戇曉得排列阮的話；你著教示阮應該對你講甚麼。
37:20 豈著報伊知：我欲講嗎？人豈愛受滅無嗎？
37:21 今人無看見穹蒼內燦爛的光；獨獨風對過，就互伊清彩。
37:22 金的光對北方出來，上帝有威嚴通驚。
37:23 全能者，咱會測 伊；伊有大能力，有公平充滿公義，無欲苦楚人。
37:24 所以，人敬畏伊；伊無看有智慧的心者。